شاندێ نۆشدارێن ئەمریکی کوردی کونفرانسەکێ زانستی ئەنجام دا

 د. نزار عسمەت تەیب رێڤەبەرێ گشتی یێ ساخلەمیا دھۆکێ دیارکر گروپێ ‏نۆشدارێن ئەمریکی کوردی ب سەرپەرشتیا د. غازی زێباری ژ سالێن نوتا ھەتا نوکە ‏سەرەدانا ھەرێما کوردستانێ دکەن بۆ ئەنجام دانا نشتەرگەریێن جوراو جور ب تایبەتی ‏نشتەرگەریێن دگمەن دانا زانیاریان ب نۆشدارێن مە ب نووترین پێزانێن سەردەم و گۆت: ‏ئەڤرو ل زانکۆیا ئەمریکی ل دھۆکێ چەندین سمینارێن زانستێ پێشکەفتی د بوارێن ‏ساخلەمیا جودا جودا ب ریێا وانێن تایبەت د ڤی بواری دا، ھەروەسا چەندین حالەتێن ‏تایبەت یێن نۆشدارێن مە ھاتنە ب رێیا ڤەکولینێن زانستی ھاتنە نیشان دان بو وێ چەندێ ‏ھەر دو لا ژ نێزیک مفایی ژ ئێک دو ببینن. ‏

د. غازی زێباری سەرۆکێ شاندێ نۆشدارێن ئەمریکی کوردی دیارکر شاندێ ‏نۆشدارێن ئەمریکی کوردی ھەر سال دھێنە پارێزگەھا دھۆک بۆ ئەنجامدانا ھژمارەکا ‏نشتەرگەریا و گۆت: سمینارێن ئەڤرۆ گەلەک گرنگیا خوە بۆ ھەردولا ھەیە چونکو چەند ‏بایەتێن نوو یی دەرکەفتینە ل ئەمریکا رەنگە ھندەک ژ وان ھەتا نوکە نەگەھشتینە ھەرێما ‏کوردستانێ، ھەروەسا ھەموو بزاڤ دھێنە کرن زانیاریێن نوو یی بدەنە نۆشدارێن مە و ئەو ژی ‏بگەھیننە قوتابیان دا بشێن ل دەمەک داھاتی دا بشێن وان نشتەرگەریا ئەنجام بدەن.‏

گوتژی: گرنگیا ڤان زایاریان تایبەتە بۆ وان نۆشدار کارمەندین ساخلەمی یێن نەشێن ‏بچنە وەلاتێن دەرڤە و بەشداری ڤان جورە سمینارا بکەن ژ بەر ھەر ئەگەرەکێ.‏

د. عەبدولا ئیبراھیم رێڤەبەرێ نەخوشخانا تەنگاڤیا ل پارێزگەھا دھۆک دیارکر ئەڤ ‏جورە سمینارە گەلەک د گرنگن و پێدڤیە ھەر سال بھێنە ئەنجام دان چونکو چەند تایبەتمەند ‏ژ ھەردو لایا تێدا د بەشدارن و ئەو تشتێ نوو یی ل ئەمریکا دەرکەفتی دھێتە نیشاندان و ‏گۆت: ئەم ب نشتەرگەری و ڤەکولینێن زانستی یێن نوو تێدا بەشدار دبین وان، گەلەک جارا ‏شاندێ ئەمریکی ئیشارەت پێدایە وان ڤەکولینێن زانسی ئەنجام داینە بو دیاربوویە چ نەما ‏بەلێ دەمێ کاودانێن مە دبینن دزانن ھێش مایە لەورا گرنگسا ڤان سمینارا ڤەگوھاستنا ھزر ‏و زانییاریانە و گۆتژی: د گەل ھاتنا شاندێ ئەمریکی و ھاتنا وان نۆشدارێن تایبەتمەند بۆ ‏نەخوشخانا تەنگاڤیا دیاردکەن دێ چاوا سەرەدەریێ د گەل نەخوشێن تەنگاڤێن روودانێن ‏جودا جودا و چەند حالەتا دەستنیشان دکەین و دان و ستاندنێ د گەل دکەین کا چاوا مە ‏چارەسەرکرینە ئەو ژی تشتێ نوو و دشیان دا ئەنجام ددەن، ئەف سالە مە تەرکیز ل ‏قوتابیێن قووناغا دووماھیێ کرینە چونکو دەمەکێ نێزیک دێ خزمەتا نەخوشا کەن و خالا ‏سەرەکی یامە نیشا دایی ئەوە مرۆڤ گەلک یێ گرنگە و ل دووڤ ئەتەکیتێن ساخلەمی ‏سەرەدەری ل گەل نەخوشی بھێتەکرن.‏

د. سەباح ئەحمەد رێڤەبەرێ نەخوشخانا ئازادی ل دھۆکێ دیارکر سالانە گرۆپێ ‏ئەمریکی و کوردی سەرەدانا نەخوشخانا ئازادی و تەنگاڤیا ل دھۆک دکەن و ھژمارەکا ‏نشتەرگەریا ب سەرکەفتیانە ئەنجامددەن و گۆت: چەند سالە کورنفرانسێن زانستی ‏ئەنجام ددەن و ئەڤرۆ ل زانکۆیا ئەمریکی سمینار دھێنە گوتن ژ لایێ ھەردو گرۆپێن ‏نۆشداران ڤە، بابەتێن زانستی یێن گەلەک گرنگ دھێنە باسکرن دەرفەتێن زێرینن ئەف ‏سمینارە لەو گرنگە تشتێ نوو گوھلێ دبین وەربگرین و کار ل سەر بکەین.‏