ساخلەمیێ 29 جھێن گشتی گرتن

 ب گوره‌يی ئامارەکا رێڤەبەریا کاروبارێن خوپاراستنا ساخلەمیێ ل مەھا بوری ٢٩ جھێن گشتی ھاتینە گرتن و 118 جهـ ھاتینە سزادان.

رێڤەبەریا کاروبارێن خوپاراستنا ساخلەمیێ دیارکر كو تیمێن پشکا چاڤدێری و سلامەتیا خوراکی ل مەھا (تەباخ 2018) سەرەدانا چەندین جھێن گشتی کریە ل سەرانسەری پارێزگەھا دھۆکێ و کارگەھەکا ئاھێن خوارنێ ژ بەر نەپێگری کرن ب رێنماێن ساخلەمیێ داخستیە و رەوانەی دادگەھێ کریە.

خویا ژی کر كو 118 جھێن گشتی ھاتینە سزادان ژ کارگەهـ و خوارنگەهـ و سەرتراشخانه‌ و مارکێت و كازینۆ و کافێ و چایخانا پێک ھاتینە.

ژ ئالیەکێ دی ڤە ئاشکرا کر کو تیمێن وان د مەھا تەباخێ دا سەرەدانا پتری دو هزار و 900 جھان کریە، ھوشداری دایە 446 جھان و 29 جھێن گشتی ھاتینە گرتن، ئەگەر ژی بۆ نەپێگریا وان ب رێنمایێن ساخلەمیێ ڤەگەراندیە، دیسان کارتێن ساخلەمیێ بۆ هزار و 63 کرێکاران چێکرینە، ھەروەسا 676 دەستووریێن ساخلەمیێ ھاتینە نووکرن.

سەبارەت ژ ناڤبرنا کەرەستەیێن دەم ب سەرڤەچوویی ژی د ئامارا وان دا ھاتیە كو د مەھا بوری دا 25 تەنێن کەرەستێن خوارنێ و ڤەخوارنێ یێن روون و ھشک ھاتینە ژناڤبرن.