خولەک ل سەر ڤێراگەھشتنا دەستپێکی بۆ شوفێرێن ئەمبولانسا ھاتە ڤەکرن
هاتیه بلاڤکرن روژا پێنج شه‌مبێ, 13 ئه‌یلول 2018 - 4:59pm
رێکخراوا giz ل گەل رێڤەبەریا گشتیی یا ساخلەمیا پارێزگەھا دھۆکێ خولەک ل سەر ڤێراگەھشتنا دەستپێکی بۆ شوفێرێن ئومبولانسا ڤەکر ب مەرەما باشترکرنا کارێ ڤێراگەھشتنا دەستپێکی.
د. سادق شەوکەت تایبەتمەندێ ھەستی و شکەستن و ھاوارھاتنێ ل ساخلەمیا دھۆکێ دیارکر کو خولەک ل سەر رێنمایێن ڤێراگەھشتنا دەستپێکی بۆ شوفێرێن ئەمبولانسا ھاتە ڤەکرن، دێ بۆ دەمێ پێنج رۆژان یا بەردەوام بیت ب مەرەما پتر شارەزاکرنا شوفێران د حالەتێن برینداربوونا وەلاتیان دا.
ئاشکرا کر کو پلانا کاری ئەوە ل دەستپێکی شوفێر بھێتە پشت راستکرن ژ ئارامیا جھی بۆ خۆ و کەسێن دی و نەخۆشی و پیشکنین و دانوستاندن ل گەل نەخۆشی و بۆریێن ھەوایی و ڤەکرنا دەڤی ھەکەر تشتەکێ نە سروشتی تێدا بیت و نەخۆشی ب شیوەیەکێ بھێنفرەە دانە و ھەناسە و پشکنینا ھەناسە و نەخۆشی زۆر یا گرنگە و ڤەژاندنا دلی ژ ئامیرێن راوەستاندنا لەرزینێ و ڤێرەگەھشتنا دەستپێکی و درێژکرنا دەستێ ھاریکاریێ بۆ کەسێ تووشی روودانەکێ بوویی مەرەم پێ ئەو نینە چارەسەریە، بەلێ ھاریکاریە ھەتا دگەھتە نوشداری و نەخۆشخانێ دڤێ خۆلی دا دێ رێنمایێن گشتی بۆ شوفێران ھێنە بەحسکرن.
وەحیدا عەبدولا مامۆستایا زانکۆیا دھۆکێ دیارکر کو رێکخراوا giz ل گەل ساخلەمیا پارێزگەھا دھۆکێ ئەڤ خولا ڤێراگەھشتنا دەستپێکی بۆ شوفێرێن ترۆمبێلین ھاوارھاتنێ ڤەکریە ل سەر بابەتێن “دەمێ کەسەک برینداربیت بەری بگەھیتە نەخۆشخانێ چ بۆ بھێتە کرن یان چاوا بھێتە ڤەگوھاستن ژ جھی روودانی بۆ نەخۆشخانی”.
ئه‌ڤ مالپه‌ره فرێکه
