رۆژا جیهانی یا دەستشووشتنێ دێ هێتە ساخکرن

 د. رەعەد عەبدولرەحمان عەبدولا رێڤەبەرێ پشکا راگەھاندنێ ل رێڤەبەریا کاروبارێن خوپاراستنا ساخلەمیێ  گۆت: سالانە ل ھەمی دونیایێ ل ١٥/١٠ روژا دەست شووشتنێ دگێرن رێکخراوا ساخلەمیا جیھانی وەکی ھەمی روژێن دی یێن ساخلەمیێ گرنگی دایە ڤێ روژێ گەلەک کەس ب روژەکا نورمال دبینن لێ گرنگیا وێ گەلەکە چونکو گەلەک نەخوشی برێکا دەست نە شووشتنێ دھێنە ڤەگوھاستن وەک نەخوشیا (ئەنفلونزا، کولێرا، ھەودانێن چاڤی، تایا خوین بەربوونێ …ھتد).

دیسان نوشدارێ ناڤبری گۆت: ئەم وەک رێڤەبەریا کاروبارێن خوپاراستنا ساخلەمیێ تیمێن مە یێن ساخلەمیێ کو ٤٨ رەوشەنبیرن دگەل ٨ سەرپەرشتا دگەل رێکخراوا یونیسێڤ و ھندەک رێکخراوێن لوکال و ئینترناشیونال سوباھی دێ کاری ل پتر ل ١٠ کەمپێن ئاوارا و پەنابەران کەین ل سەر قوتابخانا گەریێن دا کو پتر خەلک کرنگیێ ب ڤێ روژێ بدەن و ل سەر ب راوەستن و خو ژ نەخوشیا پارێزن برێکا دەست شووشتنێ.
د.رەعەدی دیار کر کو تیمێن وان ل دیف ھژمارا خەلکێ ئاوارە و پەنابەر لێ ھەین ھاتینە دابەشکرن ب ھاریکاریا رێکخراوا یونیسێڤ و روژانە ئەڤ تیمە مال ب مال دچن و رەوشەنبیریا ساخلەمیێ نیشا خەلکەکێ دەن و دێ چەوا خو پاقژ کەن و خو ژ نەخوشیا پارێزن.