د. نزار عسمەت: پێنچ سالن ل گەل ئیتالیا خزمەتا خەلکێ دھۆکێ و ئاواران دكه‌ن

د. نزار عسمەت: پێنچ سالن ل گەل ئیتالیا خزمەتا خەلکێ دھۆکێ و ئاواران دكه‌ن

 رێڤەبەرێ گشتیێ ساخلەمیا پارێزگەھا دھۆکێ دیارکر کو ئەڤە پێنچ سالن ئیتالیا و ساخلەمیا دھۆکێ پێکڤە بەردەوام کار دکەن، دخوازن ژى بەردەوام گرنگیێ ب خزمەتیێن ساخلەمیا دەروونی و جڤاکێ بده‌ن.

د. نزار عسمەت تەیب، رێڤەبەرێ گشتیێ ساخلەمیا پارێزگەھا دھۆکێ دیارکر کو ئەو وەکو ساخلەمیا دھۆکێ سۆپاسیا ھەڤکاریا وەلاتێ ئیتالیا دکەن بۆ پشتەڤانیا وان یا بەردەوام بۆ ھەموو پرۆژان ل ساخلەمیێ، “ئه‌وان گەلەک ھەڤکاریا ساخلەمیێ کریە، پێنچ ساله‌ ل گەل ئێک بەردەوام کار بۆ خزمەتکرنا خەلکێ پارێزگەھا دھۆکێ و ئاواره‌ و پەنابەران دکەين ب تایبەتی ژی د وارێ ساخلەمیا دەروونی و جڤاکی دا، گرنگیێ دده‌ینە ساخلەمیا پارێزگەھا دھۆکێ بۆ پشتەڤانى و ھاریکاریا ئاواره‌ و پەنابەران و ئاکنجيێن دھۆکێ”.
داخواز ژى كر كو د بەردەوام بن ل سەر ھەموو ئاستێن خزمەتکرنێ د ناڤ جڤاکى دا و خزمەتێن دەستپێکيێن ساخلەمیێ و خزمەتێن د ناڤ ساخلەمیێ و گونجاندنا خەلکێ لیقەوميای بۆ ناڤ جڤاکى ب تایبەتی ژی د وارێ دابینکرنا ساخلەمیێ دا، “ئەم ھیڤدارين بەردەوام ھەڤکارى و پشتەڤانی بھێتە کرن”.

ب پشکداریا سیرینا مورینی، قونسلا گشتی یا وەلاتی ئیتالیا ل ھەرێما کوردستانێ و نوونەرێن رێکخراوێن نێڤدەولەتی و ناڤخۆی د پرۆژێ زێدەکرنا شیانیێن رێکخراوێن ناڤخۆی ل دھۆکێ ھاتە ئەنجامدان.