نوشدارهكێ ئهمریكى كارهكێ مهزن ل دهوكێ دكهت !
پشتى د ماوێ (3) رۆژێن بورى دا، تیمهكێ مهزن یێ نوشدارێن ئهمریكى بو ئهنجامدانا چهند نشتهگهریان و پێشكێشكرنا چهند خزمهتا قهستا دهوكێ كرى، ئێك ژ وان نوشداران تایبهتمهنده ب نهخوشى و نشتهگهریێن دلى ڤه و نها ل سهنتهرێ نهخوشیێن دلى یه ل نهخوشخانا ئازادى و چهند كارهكێن گرنگ ئهنجام ددهت
حهسهن عهلى سالح، كارمهندێ مهكینا دلى ل سهنتهرێ نهخوشیێن دلى ل نهخوشخانا ئازادى بو نوش نیوز گوت: نها نوشدارهكێ تایبهتمهندێ نشتهگهریێن دلى نها ل نهخوشخانا ئازادى ل سهنتهرێ نهخوشیێن دلى یه و ل رێكهفتى 13/11/2018 قهستا دهوكێ كریه و ژڤانه ههتا رێكهفتى 23/11/2018 دێ ل دهوكێ بیت و ههتا نها د ماوێ (3) رۆژێن بورى دا (6) نشتهگهریێن دلى نوشدارێن مه ب ههڤكاریا نوشدارێ ئهمریكى ئهنجام داینه
ناڤبرى گوت ژى: ژڤانه ئهو نوشداره (20) نشتهگهریان ئهنجام بدهت و ههر كهسهكێ نهخوشیا دلى ههبیت و نهشێت ب رێكا (قهستهرێ و سهماما) نشتهگهریێ ئهنجام بدهت ئهو دشێت سهرهدانا مه بكهت و دێ ژلایێ نوشدارێ ئهمریكى ڤه نشتهگهرى بو هێته ئهنجام دان و ههلبهت ههمو نوشدارێن دهوكێ خوهدان شارهزیهكا باشن لێ نوشدارێ ئهمریكى زێدهتر ژ (35) سالانه نشتهگهریێن دلى ئهنجام ددهت لهورا ئهو نوشداره خودان شارهزایهكا مهزنه و ئهم دێ گهلهك مفایان ژ ئامادهبونا وى وهرگرین.