هاریكارێ‌ رێڤه‌به‌رێ‌ گشتیێ‌ ساخله‌میا دهۆكێ‌ بو كاروبارێن كارمه‌ندێن ساخله‌میێ‌ ده‌ست ب كاربوو

هاریكارێ‌ رێڤه‌به‌رێ‌ گشتیێ‌ ساخله‌میا دهۆكێ‌ بو كاروبارێن كارمه‌ندێن ساخله‌میێ‌

 نزار صالح، وه‌ك هاریكارێ‌ نوو یێ‌ رێڤه‌به‌رێ‌ گشتی بو كارۆبارێن كارمه‌ندێن ساخله‌میێ‌ ئه‌ڤرۆ 13/1/2019، ژلایێ‌ د.نزار عسمه‌ت، رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ هاته‌ راسپاردن بو ده‌ست ب كاربوونێ‌.

نزار صالح دیاركر ب دامه‌زراندنا كابینا نوو ئه‌و دێ‌ كاركه‌ن كو پله‌یێن دامه‌زراندنێ‌ به‌رفره‌هتر لێ‌ بكه‌ن ، چونكو ده‌مێ‌ چه‌ندین سالانه‌ ژبه‌ر نه‌بوونا پله‌یێن دامه‌زارندنێ‌ رێژا كارمه‌ندێن ساخله‌میێ‌ ل نه‌خوشخانه‌ و ده‌زگه‌هێن ساخله‌میێ‌ دئاسته‌كێ‌ زور كێم دایه‌.
نزارصالح، هاریكارێ‌ ریڤه‌به‌رێ‌ گشتی یێ‌ ساخله‌میا پارێزگه‌ها دهوكێ‌ بو كارمه‌ندێن ساخله‌میێ‌ دیاركر ژی كو پلانه‌كا درێژخایه‌ن هه‌یه‌ بو پێشخستنا كه‌رتێ‌ ساخله‌میێ‌ ب شێوه‌یه‌كێ‌ گشتی و كارمه‌ندێن ساخله‌میێ‌ بشێوه‌یه‌كێ‌ تایبه‌ت و گۆت: نها ئه‌م دقوناغه‌كا هه‌ستیار دا دژین ژبه‌رنه‌بوونا پله‌یێن دامه‌زراندنێ‌ كو كارتێكرنه‌كا مه‌زن یا ل كاری كری.
هاریكارێ‌ رێڤه‌به‌رێ‌ گشتی خویاكر كو ئێك ژ پلانێن وان ئه‌وه‌ ژبه‌رنه‌بوونا پله‌یێن دامه‌زراندنێ‌ ئه‌و پشتبه‌ستنێ‌ ل سه‌ر خوبه‌خشان بكه‌ن وگۆت: ئه‌م پێكولێ‌ دكه‌ین رێكخستنا ڤی كه‌رتی و كارمه‌ندان بكه‌ین داكو كار یێ‌ به‌رده‌وام بیت و د ئه‌ف ساله‌دا پشتی دامه‌زراندنا حكومه‌تا نوو كاره‌كێ‌ باشتر بكه‌ین، دیسان پله‌یێن دامه‌زراندنێ‌ به‌فره‌هتر لێ‌ بهێن و گۆتژی: مه‌ ل به‌ره‌ ئه‌ڤێ‌ پێشه‌ی پتر پێشبێخین، ژبه‌رهندێ‌ هه‌ولدانێن مه‌زن دهێنه‌كرن كو كار ژێك بهێنه‌ جوداكرن هه‌رئێك گوره‌ی كارێ‌ خوه‌ كاربكه‌ت، دیسان دێ‌ مه‌ هه‌ماهه‌نگی دگه‌ل رێڤه‌به‌رێن نه‌خوشخانا و كه‌رتێن دهوكێ‌ هه‌بیت بو پتر پێشڤه‌برن و رێكخستنا كارێن كارمه‌ندێن ساخله‌میێ‌.