پرۆژێ‌ چاڤدێریا ناڤین ل نه‌خۆشخانا ته‌نگاڤیان هاته‌ ڤه‌كرن

رێڤه‌به‌رێ‌ گشتی یێ‌ ساخله‌میا پارێزگه‌ها دهۆكێ‌ دیاركر كو ئه‌ڤرۆ 11/2/2019 پرۆژی چاڤدێریا ناڤین ب كوژمێ‌ زێده‌تر ژ 438 هزار یورویا ل نه‌خۆشخانا ته‌نگاڤیان دهۆكێ‌ هاته‌ ڤه‌كرن.
د. نزار عسمه‌ت، رێڤه‌به‌رێ‌ گشتی یێ‌ ساخله‌میا پارێزگه‌ها دهۆكێ‌ دیاركر كو پرۆژێ‌ چاڤدێریا ناڤین ل نه‌خۆشخانا ته‌نگاڤیان ل دهۆكێ‌ هاته‌ ڤه‌كرنو ئه‌ڤه‌ ته‌مامكه‌رێن پرۆژه‌یێن به‌ری نوكه‌ نه‌ یێن پشته‌ڤانیا ئێكه‌تیا ئوروپا و هه‌ڤكاریا ئیتالیی و بجهئینانا رێكخراوا AISPO هاتیه‌ ئه‌نجامدان بۆ چێكرنا چه‌ندین هۆلێن نشته‌گه‌ری و جهێن بێهنڤه‌دانی بۆ وه‌لاتیان و نه‌خوشان و گۆت: ئه‌ڤ پرۆژه‌ ب ناڤێ‌ بهێزكرنا خزمه‌تێن چاڤدێریا چر و قورتالكرنێ‌ بو نه‌خۆشێن دهێنه‌ ره‌وانه‌كرن بۆ نه‌خۆشخانا ته‌نگاڤیان ل پارێزگه‌ها دهۆكێ‌ وده‌زگه‌هێ‌ ئیكو یێ‌ ئێكه‌تیا ئوروپا پشته‌ڤانی كریه‌ ورێكخراوا AISPO یا ئیتالی پرۆژه‌ بجه ئینایه‌ هاته‌ ڤه‌كرن.
ناڤهاتی ئه‌وژی دیاركركو ئه‌ڤ پرۆژه‌ د ماوێ‌ 12 هه‌یڤاندا هاتیه‌ ئه‌نجامدان ب كوژمێ‌ 438 هزار و 65372 یورو بوون ئه‌ڤ پرۆژه‌ پێنج ته‌ختان بخوه‌ڤه‌ دگریت و چێكرنا چار وێستگه‌هێن هاوارهاتنا بله‌ز 122 ل ده‌ڤه‌را ئامێدیی بتایبه‌ت ل نێزیكی وان جهێن دبنه‌ ئارمانجێن بوردومانكرنێ‌ و جهێن ئاواره‌ و په‌نابه‌ر لێ‌ هه‌ین دهێنه‌ چێكرن داكو بشێین خزمه‌تێن ساخله‌میێ‌ یێن باشتر پێشكێش بكه‌ین، ئه‌م سوپاسیا ده‌زگه‌هێ‌ ئیكو یێ‌ ئێكه‌تیا ئوروپا دكه‌ین بۆ پشته‌ڤانیا وان یا به‌رده‌وام دگه‌ل ساخله‌میا دهۆكێ‌ ژ ده‌ستپێكا قه‌یرانێ‌ و هاتنا تیرۆرستێن داعش ڤێ‌ ریكخراوی پشته‌ڤانیا مه‌ كریه‌ هه‌تا نوكه‌ ژی یا به‌رده‌وام بوویه‌ ئه‌ڤه‌ نه‌ پرۆژێ‌ ئێكێ‌ یه‌ دروست دكه‌ن، به‌لكو چه‌ندین كار وخزمه‌تێن دی ل ساخله‌میا دهۆكێ‌ ئه‌نجامداینه‌.
هه‌ر ئێك ژ نوونه‌رێن رێكخراوا ئیكو و ئاسپو ژی دیاركرن كو ئه‌و دێ‌ به‌رده‌وام خزمه‌تێن ساخله‌میێ‌ پێشكێشی وه‌لاتیێن پارێزگه‌ها دهۆكێ‌ كه‌ن.