د ئه‌ڤ ساله‌ دا دو شاندێن نوشدارێن ئه‌مریكی دێ‌ هێنه‌ دهۆكێ‌

د ئه‌ڤ ساله‌ دا دو شاندێن نوشدارێن ئه‌مریكی دێ‌ هێنه‌ دهۆكێ‌

د.نزار عسمه‌ت، رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ دیاركر كو ئه‌و شیان رێككه‌فتنه‌كێ‌ ل گه‌ل رێكخراوا Med Global یا ئه‌مریكی ئیمزابكه‌ن.
رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ دیاكروان دێ‌ پلانه‌ك ل گه‌ل رێكخراوا ناڤبری هه‌بیت د وارێ‌ پێشڤه‌برنا كه‌رتێ‌ ساخله‌میێ‌ ل پارێزگه‌ها دهۆكێ‌ و گۆت: ئارمانج ژ رێككه‌فتنێ‌ ئه‌وه‌ ئه‌م بشێین مفای ژ شیانێن نوشدار و كارمه‌ندێن ژ ده‌رڤه‌ ببینین كو بهێنه‌ پارێزگه‌ها دهۆكێ‌ و نوشدار و كارمه‌ندێن مه‌ مه‌شق بده‌ن ل دور نووترین داهێنانێن زانستی د وارێ‌ ساخله‌میێ‌ دا، ژپێخه‌مه‌ت گه‌هاندنا وان بو نه‌خوشان دناڤ ده‌زگه‌هێن ساخله‌میێ‌ دا.
د. ته‌یسیر كه‌ریم، نوونه‌رێ‌ رێكخراواMed Global یا ئه‌مریكی دیاركرئه‌ڤ رێككه‌ڤتنه‌ دێ‌ بۆ ده‌مێ‌ ساله‌كێ‌ یا به‌رده‌وام بیت و خواست زێده‌تر بهێته‌ درێژكرن و بشێن خزمه‌تا خه‌لكێ‌ دهۆك و ئاواره‌ وپه‌نابه‌ران بكه‌ن و گۆت: ل مه‌ها نیسانی شانده‌كێ‌ نوشدارێن ئه‌مریكی ژی دی قه‌ستا ده‌ڤه‌رێ‌ كه‌ن زێده‌باری خزمه‌تێن ساخله‌میێ‌ دێ‌ ده‌ست ب خۆلین مه‌شق وراهێنانا ستافێ‌ ساخله‌میێ‌ كه‌ن ب تایبه‌تی بۆ نوشدار و په‌ستار و و هه‌موو كارمه‌ندێن ساخله‌میێ‌ داكو بشێن خزمه‌تێن ژده‌رڤه‌ دهێنه‌ پێشكیشكرن بگه‌هیننه‌ كوردستانێ‌ ب تایبه‌تی ژی ساخله‌میا پارێزگه‌ها دهۆكێ‌ مه‌ لبه‌ره‌ پاشه‌رژۆی تیمه‌كێ‌ نوشدارین ئه‌مریكێ‌ یێن هه‌ره‌ پێشكه‌ڤتیی بینه‌ كوردستانێ‌ داكو بشیوه‌یه‌كێ‌ باشتر زانستی نوو یێ‌ نوشداری بگه‌هیته‌ هه‌رێما كوردستانێ‌ و پتر مفا ژی بهێته‌ وه‌رگرتن بۆ وه‌لاتیان. دبوارێ‌ پێشكێشكرنا خزمه‌تێن ده‌ستپێكێ‌ یێن ساخله‌میێ‌ ل كه‌مپێن ئاواران ل سنۆری پارێزگه‌ها دهۆكێ‌ ل بنگه‌هێن ساخله‌میێ‌ یێن پارێزگه‌ها دهۆكێ‌.