بۆ جارا ئێکێ راوێژکاریا دەرونی ل نەخۆشخانا گۆلان ئاکرێ هاتە ڤەکرن

بۆ جارا ئێکێ راوێژکاریا دەرونی ل نەخۆشخانا گۆلان ئاکرێ هاتە ڤەکرن

ب هەماهەنگی و پێکولێن رێڤەرێ ساخلەمیا ئاکرێ دگەل رێڤەبەریا گشتی یا ساخلەمیا پارێزگەها دهۆکێ بۆ جارا ئێکێ راوێژکاریا دەرونی ل نەخۆشخانا گۆلان ئاکرێ هاتە ڤەکرن.

دکتور صالح مستەفا رێڤەبەرێ ساخلەمیا ئاکرێ ددەتە دیارکرن کو حەفتیێ دا هەردوو روژێن ئێک شەمبی و سێ شەمبی نوشدارێن دەرونی ل راوێژکاریا نەخۆشخانێ دانیشن،ڤەکرنا راوێژکاریا دەرونی ل نەخۆشخانا گۆلان گرنگیەکا مەزن بۆ خەلکێ ئاکرێ و بەردەرەش ژی یا هەی خەلکەکێ زور دێ مفادار بیت، مەرەما مە ژ ڤەکرنا ڤێ راوێژکاریێ ئەوە مە ل دەڤەرا ئاکرێ هژمارەکا زور یا نەخۆشا یا هەی قەستا دهۆک و هەولێرێ دکەن، ئەڤ چەندە ژی دێ پێنگاڤەکا باش بیت کو ئێدی ئەو نەخۆش پێدڤی دەرڤە نەبن ل ڤێرە چارەسەریا خۆ وەرگرن.
گۆت ژی ئەڤ راوێژکاریە دێ یا بێ بەرامبەر بیت، نوکەدا هژمارەکا نەخوشا یێ دهێن چارەسەریێ وەردگرن و ئەم ل وێ باوەریێ نە کو دێ خەلکەکێ زور هێنێ و مفای لێ بینن، ئەم سوپاسیا رێڤەبەریا گشتی یا ساخلەمیا پارێزگەها دهۆکێ دکەین کو دوو نوشدارێن بسپۆر دبوارێ دەرونی دا بۆ مە رەوانەکرین.