کارمەندێن 122ێ ل سەر کەرەستێن کیمیاوی دھێتە مەشقدان
هاتیه بلاڤکرن روژا دوو شه‌مبێ, 16 ئه‌یلول 2019 - 10:35am
بەرپرسا کارێن نۆشدارێ رێڤەبەریا گشتی ساخلەمیا پارێزگەھا دھۆکێ دیارکرکو ورک شوپەکی ل سەر روودانیێن تایبەت یێن کەرەستێن کیمیاوی وپەقینا بۆ ستافی ھاوار ھاتنا بلەز 122 ێ ل دھۆکێ ھاتە کرن.
د. وه‌فا سالح رشدی بەرپرسا کارێن نۆشدارێ رێڤەبەریا گشتی ساخلەمیا پارێزگەھا دھۆکێ دیارکرکو روودانیێن کیمیاوی و بایلوجی و فیزیایێ یان ژی ھەر جۆرە پەقینەکێ دەمێ ستافی 122ێ قەست دکەتێ بۆ چارەسەری دبەرھەڤن بن بۆ پێشکیشکرنا باشترین خزمەتیێن تەندروستی ھەتا دگەھینە نەخۆشخانێ ھەموو جۆرە زانیاریەک دھێنە شرۆڤەکرن دماوێ دوو رۆژان دا بۆ کارمەند وستافێ ھاوار ھاتنا بلەز 122ێ ل دھۆکێ.
زێدەتر گۆت: ھەکە ھات ل جھەکێ روودانەکا وەسا رووبدەت بزانن دی چەوا ژیانا وێ کەسێ رزگارکەن یێن تووشی ڤان جۆرە روودانان دبن ئەڤ جۆرە روودانا گەلەک کەس تووش دبنی دەمێ روودەن پێدڤیە ستافێ ھاوار ھاتنێ باش یێ شارەزا بیت ھەموو وارەکێ چارەسەریا دەشتپیکێ دا ھەتا قوربانێ ژ جھێ روودانێ دگەھینتە نەخۆشخانێ.
ئاشکەرا کرکو ئەم ڤان بەرھەڤیان ب ھەڤکاریا ریکخراوەکا بیانی دکەن کو رێکخراوەکا ئەمریکێ خواستیە ڤان جۆرە ورک شوپا ئەنجام بدەت مە ژی ستافێ 122 ھەلبژارت چونکو دەمێ ھەر جۆرە روودانەک دروست بیت ل دەستپێکی ئەو ل جھێ روودانێ بەرھەڤ بیت لەورا مە ئەو ھەلبژارتن چونکو ئەو ھاوار ھاتنەکا بلەز ئەنجام دەن.
ئه‌ڤ مالپه‌ره فرێکه
