کومەلا نوشداری یا سوری ئەمریکی چەندین نشتەرگەری و چارەسەری پێشکێشی ئاوارە و خەلکێ دھوکێ کرینە

کومەلا نوشداری یا سوری ئەمریکی (SANS)، بۆ دەمێ حەفت رۆژانە ل پارێزگەھا دھوکێ کو پێک دھێن ژ نوشدارێن تایبەتمەندێ دلی، زارۆ و نوشداریا خێزانی چەندین خزمەتێن باش ل سەنتەری دناڤا نەخوشخانا ئازادی و نەخوشخانا ھیڤی یا زارۆیان و بنگەھێن ساخلەمیێ پێشکێشی خەلکێ دھوکێ و کەمپێن ئاوارەیان کریە.

د.نزار عسمەت، رێڤەبەرێ گشتی ساخلەمیا پارێزگەھا دھوکێ بۆ ئەڤرۆ دیار کر: ئەڤ تیمێ کومەلا نوشداری یا سوری ئەمریکی چەندین خزمەت پێشکێش کرینە بۆ نوشدار و پەرەستارێن دھوکێ مفا ژێ وەرگرتینە، گوت ژی: خولێن راھێنانێ بۆ زێدەتری ٢٧ نوشدار و ٥٠ پەرەستارا و قوتابیێن زانکوییھاتنە ڤەکرن ژ بسپوریێن جودا ژ زانستێن نوو و پێشکەفتی و ئەو خزمەت زێدەتربۆ خەلکێ ئاوارە و خەلکێ رۆژئاڤای کوردستانێ مفادار بن.  
ناڤھاتی دیار کر: پرانیا جاران ئەو تیم و کومەلێن نوشداران ئەوێن ل دەرڤەی وەلاتی دھێن خزمەتێ پێشکێشی خەلکێ دھوکێ دکەن پشتەڤانیا دارایی بۆ دھێتەکرن، ئەڤ تیمە ھەمی تێچویێن دارایی لسەر وان بوویە دگەل ھندێ ژی چەندین ھایکاری و پشتەڤانی و کەرەستێن نوشداری پێشکێش کرینە، ھاریکاریەکا دی ژ کەلوپەلان د رێدایە بگەھن، لەورا بناڤێ رێڤەبەریا گشتی ساخلەمیا پارێزگەھا دھوکێ سوپاسیا ڤی تیمێ ھێژا دکەین و ھیڤیدارین ئەڤ ھاریکاری و کارێ وان بەردەوام بیت.
ئاشکرا ژی کر: بیست نشتەرگەریێن دلی زەحمەت ل سەنتەرێ دلی ھاتنە کرن نێزیکی ٥٠٠ نەخوشان ل کەمپێن ئاوارەیان دیتینە و پشکنین بۆ ھاتینە کرن، چاڤدێریا چر زاروک بوونێ ئەو زارووێن تازە ژدایک بووی  ژلایێ نوشداریێن ڤی تیمی چارەسەری و چاڤدیریا وان ھاتیەکرن.