بنگەهێ کەمپا ماملیان یێ ساخلەمی ل ئاکرێ هاتە ڤەکرن

ئەڤرۆ ل رێکەفتی ۲۰۱۹/۹/۲۹ ل قەزا ئاکرێ بنگەهێ ساخلەمی یێ کەمپا ماملیان ژلایێ رێکخراوا سیما یا ئەمریکی ب هەڤکاریا رێڤەبەریا ساخلەمیا ئاکرێ هاتە ڤەکرن.
دکتور صالح مستەفا رێڤەبەرێ ساخلەمیا ئاکرێ بۆ دەزگەهێن راگەهاندنێ دا دیارکرن کو هژمارا ئاکنجیێن کەمپا ماملیان ۱۰٥۰کەسان بخۆڤەدگریت ئەڤە ماوەیەکێ درێژە بنگەهێ ساخلەمیێ ل کەمپا ناڤبری هاتیە راوەستاندن، ئەو ژی ژبەر ڤەکێشانا دەزگەهێ عمار یێ خێرخوازی، لێ ئەڤرۆ جارەکا دی ئەڤ بنگەهە کەفتە کاری ب هەڤکاریا رێکخراوا سیما یا ئەمریکی.
رێڤەبەرێ ساخلەمیا ئاکرێ زێدەتر گۆت کو ڤەکرنا بنگەهی ل ناڤ کەمپێ دا کارەکێ فەرە و دێ خزمەتگوزاریێن ساخلەمی وەکو دەرمان بو دابین کەین و ئەمبولانسەک بۆ هاتیە دانان دگەل ستافەکێ ساخلەمیێ، ئەڤە دەست پێکە لێ مە ل بەرە وان خزمەتگوزاریان ل داهاتی هێشتا بەرفرەهتر بکەین ب رێکا رێڤەبەریا ساخلەمیا ئاکرێ و هەڤکاریا رێکخراوا سیما هیڤیا وێ چەندێ ئەم پێکڤە بشێین خزمەتێن مەزنتر پێش کەشی ئاوارێن خۆ بکەین.