ساخله‌میا دهۆكێ : پتر ژ 201 وه‌لاتیێن مه یێن چووینه ئێران و كه‌سین بیانى هاتینه تاقیكرن هه‌موو سلامه‌ت بووینه
هاتیه بلاڤکرن روژا سێ شه‌مبێ, 3 ئادار 2020 - 4:38pm
رێڤه‌به‌رێ گشتى یێ ساخله‌میا پارێزگه‌ها دهۆكێ دیاركركو نه‌خۆشخانه‌ك بۆ كۆرۆنا ل دهۆكێ كه‌فتیه دكارێدا بۆ وان كه‌سان یێن ژ ده‌رڤه‌ى وه‌لاتى ڤه‌دگه‌رن داكو پشكنینا وان بهێته كرن ئه‌م خه‌لكێ خوه پشت راست دكه‌ین نه‌خۆشخانه و هه‌موو ئاماده‌كارى بۆ خزمه‌تكرنا وه‌لاتیان وپاراستنا گیانى هه‌موو وه‌لاتیان ژ ڤایرۆسى كۆرۆنا هاتینه كرن.
د. نزار عسمه‌ت رێڤه‌به‌رێ گشتى یێ ساخله‌میا پارێزگه‌ها دهۆكێ دپریس كونفرانسه‌كێ دا دیاركركو ل پارێزگه‌ها دهۆكێ هیچ حاله‌ته‌كێ كۆرۆنا نه‌هاتیه تۆماركرن ئه‌م به‌رده‌وام پشكنینا خه‌لكێ خوه دكه‌ین وحازرین باش هاتینه كرن بۆ پاراستنا خه‌لكێ مه د ماوى بۆریدا ل سه‌ر ئاستى پارێزگه‌ها دهۆكێ چه‌ندین بزاڤێن مه‌زن هاتینه كرن وه‌كو پێكئینانا لیژنه‌كا بلند سه‌رۆكاتیا پارێزگارى دهۆكێ دگه‌ل هه‌موو دام و ده‌زگه‌هێن په‌ێوه‌ندار وچه‌ند كۆمبوون هاتینه كرن وكار یێ به‌رده‌وامه ئه‌م هه‌موو پێكڤه كاردكه‌ین رێگریێ ل ڤایرۆسى كۆرونا بكه‌ین هه‌تا نوكه مه‌شیایه خه‌لكێ خوه بپارێزن .
ئاشكه‌را كركو هه‌تا نوكه پتر رژدى لسه‌ر هوشیاركرنا وه‌لاتیان هاتینه كرن بۆ خوه پاراستنى ژ ڤێ ڤایرۆسى وكاره‌كێ مه‌زن ژى هاتیه كرن ڤێ وارى دا وئه‌م به‌رده‌وام په‌یامیێن ساخله‌میى ئاراسته‌ى خه‌لكێ خوه دكه‌ین وه‌لاتى ب خوه پاراستنى دشین خوه ژى قورتال بكه‌ن نه‌هند یا زه‌حمه‌ته هه‌كه مرۆڤ رێنمایان بجه بینت و 110 پوسته‌ر و كارێن هه‌مه جۆر هاتینه كرن وبه‌لاڤكرن ل 19 هزار و 500 پوسته‌ر و 470 فلیكس یێ مه‌زن هاتینه دروستكرن وبه‌لاڤكرن وچه‌ندێن چالاكیێن دێ یێن هوشیاركرنێ هاتینه ئه‌نجامدان ل خالێن سنۆرى ژى به‌رده‌وام تاقیكرنا خه‌لكێ دهێته كرن.
د. نزار عسمه‌ت گۆت: تیمین خوه‌پاراستنى دگه‌ل سه‌نته‌رى 122 بۆ ده‌مێ 24 ده‌مژمێران دكاریدانه بۆ پشكنین وپشت راستبوونا سلامه‌تیا وه‌لاتیان وبه‌رده‌وام دوڤچوونا وان كه‌سان دهێته كرن یێن ژ ئێران وچێنى و ده‌وله‌تیێن دێ ڤه‌گه‌ریانه دهۆكێ بۆ هندى ژ ساخله‌میا وان پشت راست بن و هه‌تا نوكه پتر ژ 201 وه‌لاتیێن مه یێن چووینه ئێران و كه‌سین بیانى هاتینه تاقیكرن ل كه‌سى ژوان نه‌خۆشى دیارنه‌بوویه وهه‌موو سلامه‌ت بووینه و ل هنده‌ك جه ژى پتر كریكارین بیانێ هه‌بووینه هه‌موو هاتینه گه‌ره‌نتیى چوو نه‌خۆشى دیارنه‌بووینه.
ناڤهاتى ئه‌وژى دیاركركو ئه‌م چوو جاران راستى ڤه‌ناشیرن دێ هه‌موو تشته‌كێ بۆ خه‌لكێ خوه ئاشكراكه‌ین وهێڤدارن هه‌موو دگه‌ل مه دا هه‌ڤكاربن بۆ كونترولكرنا ڤایرۆسى كۆرۆنا داكو ژیانا خه‌لكێ مه پاراستنى بیت ورێنمایێن ساخله‌میێ بجه بینن.
ئه‌ڤ مالپه‌ره فرێکه
