رێڤه‌به‌رێ گشتى یێ ساخله‌میێ ل پارێزگه‌ها دهۆكێ هاته‌ گوهورین

رێڤه‌به‌رێ گشتى یێ ساخله‌میێ ل پارێزگه‌ها دهۆكێ هاته‌ گوهورین
ب ئاماده‌بونا وه‌زیرێ ته‌ندورستى وپارێزگارێ دهۆكێ رێڤه‌به‌رێ گشتى یێ ساخله‌میێ ل پارێزگه‌ها دهۆكێ هاته‌ گوهورین
دچارچوڤێ گوهورینێن به‌رده‌وام یێن دناڤ دام وده‌زگه‌هێن میرى دا دهێنه‌ كرن ئه‌ڤرۆ پشتى نیڤرو 10/12/2020 ل رێڤه‌به‌ریا گشتى یا ساخله‌میێ ب ئاماده‌بونا به‌رێزان د.سامان به‌رزنجى وه‌زیرێ ته‌ندورستى یێ حكومه‌تا هه‌رێما كوردستانێ و د.على ته‌ته‌ر پارێزگارێ دهۆكێ وچه‌ند به‌رپرسێن دام وده‌زگه‌هێن میرى رێ ورسمێن گوهورینا رێڤه‌به‌رێ گشتى یێ ساخله‌میێ ل پارێزگه‌هێ هاتنه‌ گێران و(د.ئه‌فراسیاب موسى ) وه‌كو رێڤه‌به‌رێ گشتى یێ ساخله‌میێ ل شونا ( د.نزار عصمت) رێڤه‌به‌رێ به‌رێ هاته‌ دانان.
د.نزار عصمت رێڤه‌به‌رێ به‌رى دپه‌یڤه‌كێدا سوپاسیا وان هه‌موو لایه‌نان كر یێن لڤان (9) ساڵێن ده‌ربازبوى هاریكاریا وى كرى كو هه‌موویان ب هه‌ڤرا خزمه‌تا خه‌لكێ پارێزگه‌هێ كریه‌ ، هه‌روه‌سا خزمه‌تا هێزێن پێشمه‌رگه‌ى وخزمه‌تا ئاواره‌ وپه‌نابه‌ران وخوجهێن پارێزگه‌هێ كریه‌ ب تایبه‌تى بو به‌رهنگاربونا ڤایروسا كورونا وپیروزباهیا رێڤه‌به‌رێ نوو كر وسه‌ركه‌فتن بو خواست.
هه‌ربڤێ هلكه‌فتێ پارێزگارێ دهۆكێ گوت: گوهورین تشته‌كێ نورماڵه‌ و ل دوڤ به‌رنامێ كابینا 9 یا حكومه‌تا كوردستانێ گوهوریێن به‌رده‌وام دێ دناڤ ده‌زگه‌هێن حكومه‌تا هه‌رێمێ دا ل سنورێ پارێزگه‌ها دهۆكێ دا هێنه‌ كرن وده‌ست خوشى ل رێڤه‌به‌رێ به‌رێ كر وپه‌سنا رولێ كارمه‌ندێن ته‌ندورستى كر كو ل هه‌موو قه‌یرانان ئه‌ركێ خو ب دورستى ئه‌نجامدایه‌ وه‌كو خزمه‌تكرنا ئاواره‌ وپه‌نابه‌ران وهێزێن پێشمه‌رگه‌ى وبه‌رهنگاربونا ڤایروسێ كورونایێ .
وپیروزباهى ل رێڤه‌به‌رێ نوو كر وسه‌ركه‌فتن بو خواست وپشته‌ڤانیا پارێزگه‌هێ نیشان دا بو هه‌ر هاریكاریه‌كێ بو وێ یه‌كێ خزمه‌تا ئاكنجیێن پارێزگه‌هێ باشتر بهێته‌ كرن.
پاش وه‌زیرێ ته‌ندورستى سوپاسیا رێڤه‌به‌رێ به‌رێ كر وپه‌سنا رولێ هه‌موو كارمه‌ندێن ته‌ندورستیێ كر ل دور ئه‌و خزمه‌تا دڤان قه‌یرانان دا پێشكێشدكه‌ن وپیروزباهیا رێڤه‌به‌رێ نوو كر وسه‌ركه‌فتن بو خواست وپشته‌ڤانیا وه‌زاره‌تا ته‌ندورستى بو هه‌ر هاریكاریه‌كێ دوپاتكر.
رێڤه‌به‌رێ نوو یێ ته‌ندورستیا پارێزگه‌هێ دیاركر كو ئه‌و دێ ل جهێ وێ باوه‌ریێ بیت یا پێهاتیه‌ راسپاردن وب دلسوزى وبێ جیاوازى دێ خزمه‌تا هه‌موو خوجهێن پارێزگه‌هێ كه‌ت.
رێڤه‌به‌رێ گشتى یێ ساخله‌میێ ل پارێزگه‌ها دهۆكێ هاته‌ گوهورین
رێڤه‌به‌رێ گشتى یێ ساخله‌میێ ل پارێزگه‌ها دهۆكێ هاته‌ گوهورین
رێڤه‌به‌رێ گشتى یێ ساخله‌میێ ل پارێزگه‌ها دهۆكێ هاته‌ گوهورین