16 ملیون ڤاكسینێن دژی كۆرۆنایێ دێ گه‌هن عیراقێ
هاتیه بلاڤکرن روژا ئێک شه‌مبێ, 20 کانونا بچیک 2020 - 12:02pm
د.ئه‌فراسیاب موسا یونس، رێڤه‌به‌رێ گشتی یێ ساخله‌میا پارێزگه‌ها دهۆكێ، پێشوازی ل شانده‌كێ پشكا ڤاكسیندانێ ل وه‌زاره‌تا ساخله‌میا عیراقا فیدرال ب سه‌رپه‌رشتیا د.فراس جه‌بار الموسه‌وی كر، د كۆمبوونه‌كێ دا ب ئاماده‌بوونا رێڤه‌به‌رێ كارۆبارێن خۆپاراستنا ساخله‌میێ و به‌رپرسا پرۆگرامێ ڤاكسیندانێ ل دهۆكێ، گه‌نگه‌شه ل دور كاودانێن ڤاكسیندانێ ل دهۆكێ و چاوانیا گه‌هشتنا ڤاكسینان ب رێیه‌كا باشتر هاته‌كرن.
د.فراس جه‌بار دیاركر كو نوكه گه‌له‌ك جورێن ڤاكسینێن كۆرۆنایێ ل جیهانێ هه‌نه، جورێ ژ هه‌میا كاریگه‌رتر ژلایێ ( كۆماكس) ئانكو هه‌ڤبه‌ندیا تێڤده‌ولی ل رێكخراوا ساخله‌میا جیهانی دێ هێته دیاركرن و گۆت: مه بو عیراقێ هه‌موویێ 16 ملیون ڤاكسین بو هه‌شت ملیون كه‌سان داخوازكرینه كو به‌هرا هه‌ر پارێزگه‌هه‌كێ دێ 20% بیت، بو پارێزگه‌ها دهۆكێ دێ دناڤبه‌را 500-600 هزار ڤاكسینان بن و بڕیاره ل بوهارا سالا 2021 ێ بگه‌هن.
د.ئه‌فراسیاب موسا یونس، رێڤه‌به‌رێ گشتیێ ساخله‌میا پارێزگه‌ها دهۆكێ به‌رهه‌ڤیا پارێزگه‌ها دهۆكێ نیشان دا بو پشته‌ڤانیا پرۆگرامێ ڤاكسیندانێ و گۆت: هه‌ر پێدڤیه‌كا هه‌بیت ئه‌م د ئاماده‌ینه هه‌ڤكاری و پشته‌ڤانیێ بكه‌ین ژ پێخه‌مه‌ت پاراستنا گیانێ وه‌لاتیێن پارێزگه‌ها دهۆكێ.
ئه‌ڤ مالپه‌ره فرێکه
