پشتەڤانیا بنگەهێن ساخلەمیێ ل سێ کەمپان دێ هێتەکرن

بو پتر پشتەڤانی و هاریکاریکرنا کەمپێن ئاوارەیان د بوارێ خزمەتێن ساخلەمیێ دا، ب ئامادەبوونا (د.ئەفراسیاب موسا یونس)، رێڤەبەرێ گشتی یێ ساخلەمیا پارێزگەها دهۆکێ گرێبەستەک بو دەمێ سالەکێ دگەل رێکخراوا PUI یا فرەنسی هاتە ئیمزاکرن.

ل دووڤ وێ گرێبەستێ رێکخراوا ناڤبری بو دەمێ سالەکێ دێ خزمەتێن چاڤدێریا ساخلەمیا دەستپێکی پێشکێشی کەمپێن (بێرسڤێ دو، باجدکەندالا و ئیسیان) کەت، وەکو خزمەتێن شیرەتکاریێن ساخلەمیێ و دووڤچوونا چارەسەریێ بو نەخۆشیێن ڤەگر و نەڤەگر و خزمەتێن خۆپاراستنا ساخلەمیێ.