ل نەخۆشخانا ئازادی یا فێرکرنێ ل دهۆکێ، ب سەرپەڕشتیا د.ئەفراسیاب موسا یونس، رێڤەبەرێ گشتیێ ساخلەمیا پارێزگەها دهۆکێ و رێڤەبەر و سەرۆک پشکێن نەخۆشخانا ئازادی کۆمبوونەک هاتەکرن.
ل دەستپێکا کۆمبوونێ، د.سەباح ئەحمەد، رێڤەبەرێ نەخۆشخانا ئازادی دیارکر کو بەری چار هەیڤان ژ نەچاری نەخۆشخانە هاتە تەرخانکرن بو نەخۆشێن کۆرۆنایێ و شیان خزمەتا وان نەخۆشان ژ هەموو لایەکی ڤە بکەن و قوناغ ب سەرکەفتیانە دەربازببیت.
د.ئەفراسیاب موسا، رێڤەبەرێ گشتیێ ساخلەمیا پارێزگەها دهۆکێ دیارکر چەند هەیڤێن دژوار سەر نەخۆشخانێ و کارمەندێن وێ بوورین و نوکە دەم هاتیە ئامادەکاری بو دوبارە ڤەکرنا نەخۆشخانێ بهێنەکرن، داکو پتر خزمەتا نەخۆشێن دهۆکێ بهێتەکرن و گۆت: ل نێزیکترین دەم پشتی بێهنڤەدانێ پشکێن شیرەتکاریێ دگەل تاقیگەهـ و تیشکێ پشتی تافیلکرنێ ل نەخۆشخانێ بهێنەڤەکرن وەکو قوناغا ئێکێ و ددووڤدا کارەکێ بلەز بهێتەکرن کو هەموو پشک و قاتێن نەخۆشخانێ ڤەببن.