یه‌كا چاره‌سه‌ریا ب هه‌لمێ بۆ نه‌خۆشین ته‌نگه‌نه‌فه‌سێ هاته‌ ڤه‌كرن

 ب چاڤدێریا د.ئەفراسیاب موسا یونس، رێڤەبەرێ گشتیێ ساخلەمیا دهۆکێ، ئەڤرۆ 2/2/2021 ل نەخۆشخانا هیڤی یا زارۆکان، یەکا چارەسەریا ب هەلمێ بو نەخۆشێن تەنگەنەفەسێ هاتە ڤەکرن.

بەری ڤەکرنا وێ یەکێ، د.ئەفراسیاب موسا، گەریانەک دناڤ هەموو قات و پشکێن نەخۆشخانێ کر بو پتر زانینا رەوشا نەخۆشخانێ و خزمەتێن دهێنە پێشکێشکرن.

پاش یەکا ناڤبری هاتە ڤەکرن کو دێ د بوارێ چارەسەریێ دا خزمەتا زارۆکێن تەنگەنەفەس هەی هێتە کرن.

ل دۆر گرنگیا ڤەکرنا وێ یەکێ، ریڤه‌به‌رێ نه‌خۆشخانا هیڤى یا زارۆكان ل پارێزگه‌ها دهۆكێ دیارکر "یه‌كا چاره‌سه‌ریا ته‌نگه‌نه‌فه‌سێ ژ 10 كورسیكا پێك دهێت گه‌له‌ك رێك وپیك هاتیه‌ دروستكرن و هه‌موو پێدڤیێن وان دجوداكرینه‌ دناڤ وێ یه‌كا هاتیه‌ دروستكرن ئه‌ڤه‌ دێ پتر خزمه‌تا نه‌خۆشان كه‌ت".

د. نزار به‌كر، گۆت:" به‌ری نوكه‌ چو جهێن تایبه‌ت بۆ ژوورا ته‌نگه‌نه‌فه‌سێ نه‌بوون لى نوكه‌ یه‌كه‌كا تایبه‌ت هاتیه‌ دروستكرن د وه‌رزى زڤستانێدا پتر خزمه‌تا نه‌خۆشان كه‌ت چونكو زڤستانێ دا پتر زارۆك پێدڤیى یه‌كا چاره‌سه‌ریا ته‌نگه‌نه‌فه‌سى بن".