پشكنینێن په‌نجه‌شێرا سینگی بو ئافره‌تان بێ به‌رامبه‌ر دێ هێنه ئه‌نجامدان
هاتیه بلاڤکرن روژا دوو شه‌مبێ, 8 ئادار 2021 - 9:50pm
ئه‌ڤرۆ نیڤرۆ، ب ئاماده‌بوونا د.عه‌لی ته‌ته‌ر، پارێزگارێ دهۆكێ و د.ئه‌فراسیاب موسا، رێڤه‌به‌رێ گشتیێ ساخله‌میا پارێزگه‌ها دهۆكێ و ب هه‌لكه‌فتا روژا جیهانی یا ئافره‌تان ل سه‌نته‌رێ وێ ل باژێرێ دهۆكێ، ئامیرێ میموگرافی بو ده‌ستنیشانكرنا په‌نجه‌شێرا مه‌مكی ل ده‌ڤ ژنان هاته ڤه‌كرن.
د. ئه‌فراسیاب موسا، رێڤه‌به‌رێ گشتی یێ ساخله‌میا پارێزگه‌ها دهۆكێ دیاركر ل رۆژا جیهانیا ئافره‌تان ئامیره‌ك ل سه‌نته‌رێ وێ كه‌ته كاری و گۆت: پشكنینن بێ به‌رامبه‌ر بۆ ئافره‌تان دێ هێنه كرن.
رێڤه‌به‌رێ گشتی یێ ساخله‌میا پارێزگه‌ها دهۆكێ دیاركر ژی "سه‌نته‌رێ وێ ب هه‌موو پشكێن خوه ڤه بۆ ئافره‌تان كاردكه‌ت و خزمه‌تێن، ده‌روونی، راوێژێن جڤاكی و دوارێ چاره‌سه‌ریێ دا ژی خزمه‌تا ئافره‌تان دكه‌ت و گۆت: هژماره‌كا نۆشدار و كارمه‌ندێن ساخله‌میا دهۆكێ تێدا كار دكه‌ن و رێكخراوا GIZ یا ئه‌لمانی پشته‌ڤانیێ ل سه‌نته‌ری دكه‌ت و هه‌موو ئامیره و پێدڤی هاتینه دابینكرن داكو ئافره‌ت بێ به‌رامبه‌ر مفای ژێ وه‌ربگرن.
رێڤه‌به‌رێ گشتیێ ساخله‌میا پارێزگه‌ها دهۆكێ دیاركر ژی" ئه‌ڤرۆ ئامیره‌كێ تیشكێ ل سه‌نته‌ری هاته‌دانان و بێ به‌رامبه‌ر دێ پشكنینا په‌نجه‌شێرا سینگی ئه‌نجامده‌ت.
د. شیلان محه‌مه‌د سالح، تایبه‌تمه‌ندا تیشكێ، ل سه‌نته‌رێ وێ دیاركر كو سه‌نته‌ر ژ سێ پشكان پێك دهێت، ئه‌وژی ساخله‌می و جڤاكی و په‌روه‌ردیێ و گۆت: ئارمانجا مه ئه‌وه ئافره‌تێ پێشبێخین كو ئه‌و ب خوه ئێدی خوه ب رێڤه‌ببه‌ت ب شێوه‌یه‌كێ گه‌له‌ك باش.
ئه‌ڤ مالپه‌ره فرێکه
