به‌لاڤ بوونا نه‌خۆشیا (ئه‌نتراكس) ل ده‌ڤه‌را نه‌هلێ‌ ل ناحیا دینارته‌ سه‌رب قه‌زا ئاكرێ‌

ل رۆژا 29/9/2008 ب رێكا رێڤه‌به‌ریا ساخله‌میا ئاكرێ‌ ئه‌م هاتینه‌ ئاگه‌هدار كرن ل دوور به‌لاڤبوونا نه‌خوشیا ئه‌نتراكس جوری پیستی (مرض الجمره‌ الخبیپه‌ -النوع الجلدی) ل سێ‌ گوندێن ده‌ڤه‌را نه‌هلێ‌ ل ناحیا دینارته‌ ل قه‌زا ئاكرێ‌,هه‌ر ل وێ‌ رۆژێ‌ تیمێن هه‌ڤپشكێن رێڤه‌به‌ریا گشتی یا ساخله‌میا پارێزگه‌ها دهوكێ‌ و رێڤه‌به‌ریا ڤیته‌رنه‌ری ل دهوكێ‌ سه‌رادانا ده‌ڤه‌را ناڤبری كرن و هاته‌ زانین كو ژ ئه‌گه‌رێ‌ نه‌خۆشیه‌كێ‌ چه‌ندین په‌ز و مه‌رێن مالا مرینه‌ و پشتی بشكنینا نوژدارێن ڤیته‌رنه‌ری دیاربو كو ئه‌ڤ نه‌خۆشیه‌ نه‌خۆشیا (ئه‌نتراكس) ه‌, و هنده‌ك نیشانێن نه‌خۆشیێ‌ وه‌ك كولكێن پیستی(تقرحات جلدیه‌) دیاربوون.
وه‌سان هاته‌ ده‌ستنیشانكرن كو ئه‌ڤ نه‌خۆشیه‌ ب رێكا ئاژه‌لان هاتیه‌ ڤه‌گوهاستن بۆ مرۆڤان ب تایبه‌ت بو وان كه‌سێن راسته‌وخۆ تێكه‌لی دگه‌ل ئاژه‌لان كرین.
هه‌ر ل وێ‌ رۆژێ‌ ئاگه‌هداریا كارگێریا پارێزگه‌ها دهوكێ‌ هاته‌ كرن و ب بریارا رێزدار ( ته‌مه‌ر ره‌مه‌زان) پارێزگه‌رێ‌ دهوكێ‌ ژووره‌كا عه‌مه‌لیاتا هاته‌ پێكئینان ب سه‌روكاتیا قایمقامێ‌ قه‌زا ئاكرێ‌ و ب نوونه‌راتیا رێڤه‌به‌ریێن ساخله‌میێ‌ و ڤیته‌رنه‌ری و لایه‌نێن په‌یوه‌ندیدار ل قه‌زا ناڤبری ژبۆ دویڤچوونا بابه‌تی و وه‌رگرتنا پێرابوونێن تایبه‌ت و كونترولكرنا ڤێ‌ نه‌خۆشیێ‌ ل ده‌ڤ ئاژه‌ل و مرۆڤان.
ل سه‌رادانا رۆژا 4/10/2008 دووماهیك ره‌وشا نه‌خۆشیێ‌ ل ده‌ڤه‌را ناڤبری ب ڤی ره‌نگێ‌ ل خوارێ‌ دیاركری بۆ:
1- سه‌رجه‌مێ‌ ئاژه‌لێن ژ ئه‌گه‌رێ‌ نه‌خۆشیێ‌ مرین (75) ئاژه‌ل بوون.
2- سه‌رجه‌مێ‌ مرۆڤێنت تووشی نه‌خۆشیا ئه‌نتراكس ژ جورێ‌ پیستی بووین ل هه‌ر سێ‌ گوندێن (40) كه‌س بوون. ره‌وشا ساخله‌میێ‌ یا هه‌می ناخوشا یا باشه‌ و ده‌رمانێن پێدڤی بۆ نه‌خۆشان هاتینه‌ دان.
پێرابوونێن تایبه‌ت:

1- كومكرنا خه‌لكێ‌ خه‌لكێ‌ گوندێن ناڤبری و سمینارێن تایبه‌ت هاتنه‌ پێشكێشكرن ل دور ( گرنگیا نه‌خۆشیێ‌ و رێكێن ڤه‌گوهاستنێ‌ و رێكێن خۆپاراستنێ‌)
2- دابینكرنا ده‌رمان و پێدڤیێن دی بو نه‌خۆشا و كه‌سانێن دگه‌ل نه‌خۆشا دژین .
3- په‌یوه‌ندیێن به‌رده‌وام دگه‌ل رێڤه‌به‌ریا ڤیته‌رنه‌ری و لایه‌نێن دیتر كو سه‌ره‌ده‌ریێ‌ ب رێكا بن ئاخكرنێ‌ دگه‌ل ئاژه‌لێن مری بكه‌ن و ب زووترین ده‌م ئاگه‌هداریا لایه‌نێن په‌یوه‌ندیدار بهێته‌ كرن ل دۆر ئاژه‌لێن نه‌خۆش .
4- دووماهیك پێنگاڤ ژبو كونترولكرنا ڤێ‌ نه‌خۆشیێ‌ ڤاكسینكرنا هه‌موو ئاژه‌لێن ڤێ‌ ده‌ڤه‌رێ‌ ب رێكا تیمێن ڤیته‌رنه‌رێ‌.

د. عبدالله سعید عبدالله
ریڤه‌به‌ری گشتی یێ‌ ساخله‌میا
پارێزگه‌ها دهوكێ‌
6/10/2008