شانده‌كێ‌ پزیشكی یێ‌ وه‌لاتێ‌ ئیتالیا ل پارێزگه‌ها دهوكێ‌ یه‌

حه‌مزه‌ ره‌زیكی شانده‌كێ‌ پزیشكی یێ‌ وه‌لاتێ‌ ئیتالیا ( MEDCHILD) ب پشته‌ڤانیا سه‌روكێ‌ حكومه‌تا هه‌رێما كوردستانێ‌ و ب هه‌ڤكاریا رێڤه‌به‌ریا گشتی یا ساخله‌میا پارێزگه‌ها دهوكێ‌ و رێكخراوا هیڤی / نازدار گه‌هشته‌ پارێزگه‌ها دهوكێ‌. شاندێ‌ ناڤبری یێ‌ پێكهاتیه‌ ژ (36) نوژدار و كارمه‌ندێن پزیشكی و بو (6) تیمان هاتیه‌ دابه‌شكرن و دێ‌ ڤان چالاكیان ئه‌نجام ده‌ن: 1- تیما نشته‌رگه‌ریا دلی یا زارۆكان كو ژ (22) كه‌سان ژ نوژدار و په‌ره‌ستیارێن ( نه‌خوشخانا سان دوناتو) میلانو,پێكهاتیه‌ و ب هاریكاریا نوژدارێن هه‌رێما كوردستانێ‌ دێ‌ ب ئه‌نجامدانا (15) نشته‌رگه‌ریێن ڤه‌كرنا دلی رابن كو ل نه‌خوشخانا دلی یا هه‌ولێرێ‌ دێ‌ هێنه‌ ئه‌نجامدان. 2- تیما كریارێن دلی ب رێكا قه‌سته‌را دلی ژ (4) نوژداران پێكهاتیه‌ و دێ‌ رابن ب ئه‌نجامدانا (10) كریارێن قه‌سته‌رێ‌ بو زاروكێن پارێزگه‌ها دهوكێ‌ ل سه‌نته‌رێ‌ دهوك یێ‌ دلی ل نه‌خوشخانا ئازادی یا فێركرنێ‌. 3- تیما نشته‌رگه‌ریا زارۆكان یا پێكهاتیه‌ ژ ( 3) نوژداران كو دێ‌ رابن ب پشكنینا (150) زارۆیان و كریارێن نشته‌رگه‌ری دێ‌ بو (20) زارۆكان كه‌ت . 4- تیما نه‌خوشیێن خوینێ‌ ( لوكیمیا و تالاسیمیا) دیسان ژ (3) نوژداران پێكهاتیه‌ و ب هاریكاریا تیمه‌كێ‌ تایبه‌ت یێ‌ نه‌خوشیێن خوینێ‌ ل هه‌موو پارێزگه‌هێن هه‌رێمێ‌ دێ‌ رابن ب گێرانا وورك شووپه‌كێ‌ ل دور ڤان جوره‌ نه‌خوشیان و دیسان توشبویێن تالاسیمیا ئه‌وێن به‌ری نوكه‌ ل وه‌لاتێ‌ ئیتالیا هاتینه‌ چاره‌سه‌ركرن دێ‌ ژلایێ‌ ڤی تیمی ڤه‌ هێنه‌ پشكنینكرن. 5- تیما تایقه‌گان كو دێ‌ رابیت ب ئاماده‌كرنا پلانه‌كێ‌ بو راهێنانا نوژداران ل دور چاوانیا ئه‌نجامدانا پشكنینا بو نه‌خوشێن لوكیمیا و تالاسیمیا (HLA) و گه‌نگه‌شه‌كرنا چاوانیا پێشڤه‌برنا بانكا خوینێ‌ ل پارێزگه‌ها دهوكێ‌. 6- تیما نشته‌رگه‌ریا كۆما ده‌ماران كو تایبه‌تمه‌نده‌كا كۆما ده‌مارا دگه‌لدایه‌ و دێ‌ سه‌ره‌دانا هولێن نشته‌رگه‌ریان ل پارێزگه‌ها دهوكێ‌ كه‌ت بو ئه‌نجامدانا ڤان جوره‌ نشته‌رگه‌ریان ل پاشه‌رۆژێ‌ ه‌ ب پشته‌ڤانیا نوژدارێن تایبه‌مه‌ندێن كوما ده‌مارا ل پارێزگه‌ها دهوكێ‌ دێ‌ رابن ب ئه‌نجامدانا (10) كریارێن نشته‌رگه‌ری بو زارۆكان و پشكنینا (200) زاروكان ژی دێ‌ هێته‌ كرن .