ژێڤه‌كرنا 9 كگم ژ وه‌رمه‌كێ دناڤ زكێ ژنه‌كێ دا
هاتیه بلاڤکرن روژا ئێک شه‌مبێ, 1 ئادار 2009 - 7:29pm
ژنه‌كا (35) سالی بناڤێ (ز.م.ت),ئه‌ڤه ده‌مه‌ك بو تووشی چه‌ند نیشانێن نه‌سروشتی وه‌ك ( وه‌ستیان و گرانبوون و مه‌زنبوونا زكی و نه‌ئارامی و ژده‌ست دانا حه‌زا خوارنێ و و ته‌نگه‌نه‌فه‌س ب تایبه‌ت ل ده‌مێ خۆدرێژكرنێ)ببو و دگه‌لدا ژی ده‌ستئاڤا زراڤ و ژڤانێن هه‌یڤانه ددروست بوون.و پاشان حاله‌تێ وێ پێش كه‌ڤت و بو ئه‌گه‌رێ وه‌رمینا زكی ژ سه‌رێ گه‌ده‌ی هه‌تا بنێ زكی.
پشتی ئه‌نجامدانا چه‌ند پشكنینان بو ژنا ناڤبری,ل رۆژا 22/2/2009 ل نه‌خوشخانا ئازادی یا فێركرنێ و ژلایێ (د.عه‌بدوللا سه‌عید عه‌بدوللا) تایبه‌تمه‌ندێ نشته‌رگه‌ریا گشتی و ب هه‌ڤكاریا نوژداران( د.صه‌باح ئه‌حمه‌د , د.فره‌یدون فایق) كریاره‌كا نشته‌رگه‌ری بو وێ ژنێ هاته كرن و نشته‌رگه‌ری ب شێوازه‌ك سه‌ركه‌فتیانه و بێ روودانا چ سه‌رباركان ب دووماهی هات و د ئه‌نجامدا تیمێ ناڤبری شیان (9كگم) ژ وه‌رمێ راكه‌ن و پشكه‌ك ژێ هاته هنارتن بو تاقیكرنێ ل تاقیگه‌ها (histopathology) ژبو ئه‌نجامدانا پشكنینێن تایبه‌ت.
ئه‌ڤ مالپه‌ره فرێکه
