ل قه‌دشێ‌ دو زارۆك تووشی نه‌خۆشیا ئه‌نفلاوه‌نزا به‌ربه‌لاڤ H1N1 بووینه‌

پشتی هه‌بوونا گومانێ‌ ژ نیشانێن نه‌خۆشیا ئه‌نفلاوه‌نزا به‌ربه‌لاڤ ل سه‌ر 2 قوتابیێن قوتابخانه‌كا بنه‌ره‌ت ل قه‌دشێ‌، نموونێن وان هاتنه‌ هنارتن بۆ تاقیگه‌ها وه‌زاره‌تا ساخله‌میێ‌ ل به‌غدا و ئه‌نجامێ‌ بشكنینێ‌ ده‌رچوو كو هه‌ردو تووشی نه‌خوشیا ئه‌نفلاوه‌نزا به‌رازانh1n1 بووینه‌ و ئه‌ڤه‌ ئێكه‌م دو حاله‌تن ل پارێزگه‌ها دهۆكێ‌ دیاربوین.د.عه‌بدوللا سه‌عید عه‌بدوللا، رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ راگه‌هاند كۆ شڤێدی ئه‌و ژلایێ‌ تاقیگه‌ها وه‌زاره‌تا ساخله‌میا به‌غدا هاتنه‌ ئاگه‌هداركرن كو هه‌ردو گومان لێكریێن نیشانێن نه‌خۆشیێ‌ د ئه‌نجامێ‌ پشكنینێ‌ دا دیاربوویه‌ ئه‌و تووشی نه‌خوشیا ئه‌نفلاوه‌نزا به‌ربه‌لاڤ H1N1 بووینه‌ و گوت: ئه‌ڤه‌ ئێكه‌م حاله‌تن كو ب فه‌رمی ل سنورێ‌ پارێزگه‌ها دهۆكێ‌ دیاربوین.د.عه‌بدوللا سه‌عید دیاركر ژی كو هه‌ر ژبه‌ری ده‌رچوونا ئه‌نجامێن پشكنینێ‌ ئه‌وان هه‌موو پێرابوونێن پێدڤی ب له‌ز وه‌رگرتینه‌ و هه‌ردو زارۆك ل نه‌خوشخانا ئامیدیێ‌ بۆ ده‌مێ‌ چه‌ند رۆژان هاتبوونه‌ نڤاندن و گوت:  , و ل به‌شتی جاره‌سه‌ریاوان  هاته‌ كه‌رن و ژبه‌ركو ره‌وشا وان یا ساخله‌میێ‌ یا باش بو و چ مه‌ترسی ل سه‌ر نینه‌، له‌وران ژ نه‌خوشخانێ‌ هاتینه‌ ده‌رئێخستن.رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ ل دور سه‌رژمێریێن ڤێ‌ نه‌خۆشیێ‌ ل عیراقێ‌ دیاركر كۆ هه‌تا رۆژا 11/11/2009 ل پرانیا پارێزگه‌هێن عیراقێ‌ نه‌خوشی هاتیه‌ توماركرن و گوت: 1141 حاله‌ت ل عیراقێ‌ هاتینه‌ توماركرن كو پتریا وان ل به‌غدانه‌ كو ( 675) حاله‌تن و ل واست (212) حاله‌ت و ل پارێزگه‌هێن ( تكریت و به‌سرا و هه‌ولێر و سلێمانی و كه‌ركووك و مووسل) ژی حاله‌ت هاتینه‌ توماركرن.رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ داخواز كر كو ل ده‌مێ‌ دیاربوونا هه‌ر نیشانه‌كا ئه‌نفلاوه‌نزایێ‌ ب تایبه‌ت ل ده‌ڤ زارۆك و دانعمر و ژنێن دوگیان كو ب زووترین ده‌م سه‌ره‌دانا ده‌زگه‌هێن ساخله‌میێ‌ بكه‌ن داكو پێرابوونێن پێدڤی بهێنه‌ وه‌رگرتن.راگه‌هاندنا ساخله‌میا پارێزگه‌ها دهۆكێ