رۆژا ساخلهمیا قوتابخانهیان هاته ساخكرن
ب ئامادهبوونا بهرێز ( ماجد سهید صالح) قایمقامێ قهزا دهۆكێ و د.عهبدوللا سهعید عهبدوللا، رێڤهبهرێ گشتیێ ساخلهمیا پارێزگهها دهۆكێ وئ ئهندازیار شێروان عهبدولواحد سهرۆكێ باژێرڤانیا دهۆكێ و نوونهرێن رێڤهبهریا گشتی یا پهروهردا دهوك و رێڤهبهریا پهروهردا قهزا دهۆكێ، ئهڤرۆ 15/11/2009 رۆژا جیهانی یا ساخلهمیا قوتابخانهیان ل باخچێ بشكوژ یێ زارۆكان و قوتابخانا دلدار یا بنهرهت ل تاخێ سهرهلدان هاته ساخكرن.د دو پهیڤان دا كو ئاراستهی قوتابیان هاتینه كرن، د.عهبدوللا سهعید عهبدوللا گرنگیا پاقژ راگرتنا قوتابخانهیان و رۆلێ پاقژیێ د نههێلانا نهخوشیان دا كر، د لایهكێ دی دا رێڤهبهرێ گشتیێ ساخلهمیا پارێزگهها دهۆكێ چهند رێنمایێن تایبهت ئاراستهی قوتابیان كرن ل دور چاوانیا خوپاراستنێ ژ نهخۆشیا ئهنفلاوهنزا بهربهلاڤ ب تایبهت پشتی دو حالهت ل سنورێ پارێزگهها دهۆكێ دیاربوین و گوت: پارێزگهها دهۆكێ دووماهی پارێزگهها عیراقێ یه كو ئهڤ نهخوشیه لێ دیاربوی.ژلایێ خو ڤه (شێروان عهبدولواحد) سهرۆكێ باژێرڤانیا دهۆكێ دیاركر كو ب ههڤكاریا رێڤهبهریێن گشتی یێن ساخلهمی و پهروهردا دهۆكێ ئهو ب ههوهكا ههڤپشك یا پاقژ راگرتنا قوتابخانهیان رابووینه و گوت: مه ههموو پێدڤیێن پاقژیێ ل دووڤ داخوازیێن كارگێریێن قوتابخانهیان دابین كرینه و شیرهت و رێنمایێن تایبهت مه ئاراستهی وان كرینه ژپێخهمهت كونترولكرنا نهخۆشیان و خوشحالیا خو دهربری كو بهردهوام ههڤكاری ژلایێ ساخلهمیێ و پهروهردێ ههیه ژبو پاقژیا باژێری ژههر لایهكی ڤه.باخچێ بشكوژ یێ زارۆكان و قوتابخانهیا دلدار یا بنهرهتی وهك دو نموونێن پاقژیێ هاتنه خهلاتكرن ژلاێی رێڤهبهریا گشتی یا ساخلهمیا پارێزگهها دهۆكێ ڤه دا كو ببنه نموونه بو ههموو قوتابخانه و باخچهیێن دی ل پارێزگههێ.ههژی یه كو ل رۆژا 11/10/2009 و ههتا ئهڤرۆ ژی تیمێن ههڤپشكێن ساخلهمیێ و باژێرڤانیێ و پهروهردێ سهرهدانا 15 قوتابخانهیان كریه و دێ د بهردهوام بن ژپێخهمهت راگرتنا پاقژیێ.