نهخوشیێن تهلاسیمیا داخوازا نهخوشخانهكا تایبهت دكهن
ب ئامادهبونا نینهرێ پارێزگهها دهوك بهرێز (محسن بوتان ) و نینهرێ رێڤهبهریا گشتی ساخلهمیا دهوك و كومهلا تهسیمیا لقا دهوك و نینهرێن ( لقا ئێك و مهلبهندێ 4 ) و رێڤهبهریا گشتی چاڤدێریا گهشهپێدانا جڤاكی و چهند نهخوش و سهمیانێن وان ئهڤ روژه هاته ساخكرن و تێدا چهند پهیڤ هاتنه پێشكێشكرن و نمایشكرنا شانوگهریهكێ و خاندنا چهند هوزانا و خهلاتكرنا نهخوشێن ناڤبری ژ لایێ رێڤهبهریا گشتی ساخلهمیێ و كومهلا تهسیمیا بو پتر پێزانیینا كهرهمهن دگهل ڤێ راپورتێ
د. بهختار محمد نینهرێ رێڤهبهریا گشتی ساخلهمیا دهوك گوت : ئهم وهك رێڤهبهریا گشتی ههمی ههو بزاف ئهنجامداینه ژبو بهرزكرنا ئاستێ خزمهتا ئهڤان نهخوشا و باشكرنا رهوشا ژیارا وان و دابینكرنا خوینێ و پشكنینێن بهری مارهبرینێ بههڤكاری دگهل كومهلا تهلاسیمیا
بهرێز ( جمعه خلیل ) بهرپرسێ كومهلا تهلاسیمیا گوت : هندی دشیاندا بویه مه ل كومهلا تهلاسیمیا ههمی دهرگهه قوتاینه ژبو دهستڤهئینانا ماڤێن ڤان نهخوشا و داخوازا مه ژ حكومهتا ههرێمێ و رێڤهبهریا گشتی ساخلهمیا پارێزگهها دهوك ژبو دابینكرنا پشكنینا كورپهلهی دهما دناڤ زكێ دهیكێدا ل ژیێ سێ ههیڤی ژب وزانینا سلامهتیا كورپهلهی ( الجنین )
ژیان یوسف وهك نهخوش بو گوت : داخوازێن مه ئهوه ژ حكومهتا ههرێما زراندنا ئهوی موچهی یێن ڤان نهخوشا ئهوێن هاتینه برین ژبهر زوربهی ئهڤان خێزانا دهست كورتن و رهوشا ژیارا وان یا باش نینه ودابینكرنا ئامیرێ پشكنینا كورپهلهی و داكو رێژا ڤێ نهخوشیا كوژهك ل كوردستانێ بگشتی كێم بیت ..