ساخكرنا روژا جیهانیا مادێ بێهوشكهر
ب ههلكهڤتا روژا جیهانیا نههێلانا كهرستێن بێهوشكهر ( المخدرات ) سهنتهرێ ساخلهمیا دهروونی ب ههڤكاری دگهل یهكا دهروونی بهشێ خوپاراستنێ یا سهرب رێڤهبهریا گشتی ساخلهمیا پارێزگهها دهوك رابوینه ب ساخكرنا ڤێ روژێ ب گێرانا چهند سمینارا ل هولا سهنتهرێ ناڤبری ب ئامادهبونا د. رهونهق بهرپرسا پروگرامێن نههێلانا كهرستێن بێهوشكرن ل وهزارهتا ساخلهمیا ههرێما كوردستانێ و د. سروهر صادق نینهرێ رێڤهبهریا گشتی ساخلهمیا دهوك و دز بهار سلیمان رێڤهبهرا سهنتهرێ ساخلهمیا دهروونی و بهرێز ژیان مستهفا هاریكارا رێڤهبهرێ چاڤدێریا گهشهپێدانا جڤاكی و بهرێز صلاح یاسین رێكخراوا هاریكار بهرێز محمد سعید زانكویازاخو پشتی بابهت هاتیه خواندن و شلوڤهكرن د. یوسف علی تایبهتمهندێ ساخلهمیا دهروونی گوت : ل جهم مه مهی و كهرستێن بێهوشكهر برێژهكا زور دهێته بكارئینان, كارتیكرینا ڤان جوره بێهوشكهرا لسهر ساخلهمیێ و خواندنێ و ل مهژیی و پهیوهندێن جڤاكی دكهت , ئهو كهس دهێته گرێدان ب ڤان جوره كهرهستا خو بو جارا ئێكێ بیت ئهم دێ بێژینێ خو ژێ دویركه ژبهر دێ روژ بو روژێ رێژا ڤهخوارنا وێ زێدهبیت , دوو فاكتهر ههنهكو مروڤی فیردكهت ئێك فاكتهرێن دهوروبهر و دهرمان و جڤاك و ههڤال ودوست و كار و ژدهرڤهی وهلاتی ڤهخوارنا بیرێ نورماله , فاكتهرێ دوویێ كهسایهتی ئهگهر نورمال مهزنێ مالێ ڤهخوت دێ زاروكێن وی ژی وهكی دهركهڤن و خێزانهكا نهئێكگرتی و قوتابیهكێ نهسهركهڤتی بیت و خهموكی , زیانێن ڤهخوانێ ( لهشی و دهروونی و جڤاكی ) .
د. ( پهرژان هاشم ) تایبهتمهندێ ساخلهمیا دهروونی گوت : هوكارێن ههرهگرنگ كو مروڤ توشی ڤان جوره بێهوشكهرا بیت ئهوه بكارئینانا دهرمانێن نهخوشیێن دهروونی ب رێكێن نهزانستی , چارهسهری زور یا ب زهحمهته نهخوش دهێنه دهڤه بو وهرگرتنا دهرمانا نه بو چارهسهریێ , ههر نهخوشهك دڤێت باوهری بخو ههبیت بو گوهورینێ . د. ئومێد ماجد بهرپرسێ بهرنامێ كهرستێن بێهوشكهر ل سهنتهرێ ساخلهمیا دهروونی گوت : ب گشتی مه گهلهك ئاستهگ ههنه ل كوردستانێ وهكی كێماتیا پێزانینا لسهر ڤان جوره نهخوشیا و نهرازیبونا جڤاكی و حهواندنا ئاریشێ و نهبونا سیستهمهكێ رهوانكرنێ یا ب هێز دناڤبهرا جهێن پهیوهندیدار و ههبونا دهرمانێن بێهوشكهر ل جهێن نهیاسایێ و ترسا خهلكی نهپاراستنا نهێنێن نهساخی .