ل دهۆكێ‌ رۆژا جیهانیا هیموفیلیا هاته‌ ساخكرن

ب هه‌لكه‌فتا رۆژا جیهانی یا نه‌خۆشیا هیموفیلیایێ‌، رێڤه‌به‌ریا گشتی یا ساخله‌میا پارێزگه‌ها دهۆكێ‌ و كۆمه‌لا هیموفیلیا كوردستان، دوهی 20/4/2013 رابوون ب ساخكرنا ڤێ‌ رۆژێ‌.
د ئاهه‌نگه‌كێ‌ دا كو ماره‌كا په‌رله‌منتاران تێدا ئاماده‌بوون، چه‌ند چالاكی ژلایێ‌ ئه‌ندامێن كومه‌لا ناڤبری هاتنه‌ ئه‌نجام دان و دیسا چه‌ند نه‌خۆش و كه‌سایه‌تی ژی هاتنه‌ خه‌لاتكرن.
د.نزار عسمه‌ت، رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ بۆ رۆژنامه‌یا ئه‌ڤرۆ دیاركر كو مه‌ره‌م ژ ساخكرنا رۆژێن جیهانی ئه‌وه‌ لایه‌نێن ده‌سته‌لادار و كومه‌لگه‌ه ل گه‌ل نه‌خۆشان كۆم ببن و پتر ژ ئێش و ئازارێن وان بزانن و گۆت: وه‌كو لایه‌نێ‌ ساخله‌میێ‌ یێ‌ نه‌خۆشێن هیموفیلیا هه‌موو ده‌زگه‌هێن ساخله‌میێ‌ ژ سه‌نته‌رێن تایبه‌تمه‌ند و نه‌خۆشخانێن گشتی بۆ نه‌خۆشان دڤه‌كرینه‌ و ب په‌یدابوونا هه‌ر ئاسته‌نگه‌كێ‌ یان تێكچوونا ره‌وشا وان یا ساخله‌میێ‌ ئه‌و دشێن ده‌ملده‌ست ل ده‌زگه‌هێن ساخله‌میێ‌ بهێنه‌ چاره‌سه‌ركرن.
ئه‌مین حه‌جی ئه‌مین، به‌رپرسێ‌ لقێ‌ دهۆك یێ‌ كومه‌لا هیموفیلیا كوردستان دیاركر كو به‌ری دو سالان ژمارا ئه‌ندامێن وان نه‌دگه‌هشته‌ 20 كه‌سان، به‌لێ‌ ژ ئه‌نجامێ‌ به‌رفره‌هبوونا نه‌خۆشیێ‌ نوكه‌ ژمارا وان ل دهۆكێ‌ دۆرێن 80 كه‌سانه‌، ئانكو سالانه‌ دۆرێن 30 نه‌خۆشان ل دهۆكێ‌ زێده‌ده‌بن.
ئه‌میدنی خواست كو بنگه‌هه‌كێ‌ تایبه‌ت بۆ ده‌ستنیشانكرن و چاره‌سه‌ركرنا نه‌خۆشێن هیموفیلیا بهێته‌ دامه‌زراندن.