ساخله‌میا دهۆكێ و قونسلخانا ئیتالیا پرۆتوكوله‌كێ ئیمزا دكه‌ن
هاتیه بلاڤکرن روژا دوو شه‌مبێ, 13 گولان 2013 - 10:37am
شانده‌كێ نوشدارێن ئیتالی دوهی 12/5/2013 گه‌هشته سه‌نته‌رێ نشته‌رگه‌ریا دلی ل دهۆكێ بۆ ئه‌نجامدانا چه‌ند نشته‌رگه‌ریان.
د.نزار عسمه‌ت رێڤه‌به‌رێ گشتیێ ساخله‌میا پارێزگه‌ها دهۆكێ دیاركر كو ل دووڤ ئه‌وێ پروتوكولا هاتیه ئیمزاكرن دناڤبه‌را رێڤه‌به‌ریا گشتی یا ساخله‌میا پاێزگه‌هاد هوك و وه‌لاتێ ئیتالیا ئه‌ڤ شانده ب هه‌ڤكاریا رێكخراوا هیڤی نازدار هاتیه دهۆكێ و گۆت: چه‌ندین نشته‌رگه‌ری ژلایێ تیمێ ئتیالی ڤه دێ هێ،ه ئه‌نجامدان ژوانژی نشته‌رگه‌ریێن دلی و قه‌سته‌رێ و ل گه‌ل ڤێ چه‌ندێ ژی نوشدار و كارمه‌ندێن مه دێ ب رێكا ڤان هێنه مه‌شقكرن.
پریڤیسور ئه‌لیساندرو فریگیولا ئێك ژ ئه‌ندامێن شاندێ ئیتالی دیاركر كو ئه‌ڤ ساله بو جارا ئێكیه پشتی موركرنا ڤێ گرێبه‌ستی دێ ده‌ست ب كاركه‌ین كو كارێ مه دزڤریته ڤه به‌ری پێنج سالان و گۆت: نه‌خۆشیێن زكماكی دزورن و پێدڤیه ئه‌م لسه‌ر راوه‌ستین و ب گرنگی وه‌ربگرین داكو رێژا وان كێمر لێ بكه‌ین و نوكه 20 نه‌خوش هه‌نه كو بۆ ئه‌ڤێ جارێ دێ نشته‌رگه‌ریان بۆ كه‌ین و د پرۆگرامێ مه‌دایه نێزیكی 7000 هزار زارۆیان چاره‌سه‌ر بكه‌ین.
ژلایێ خوه‌ڤه د.به‌ختیار ئه‌حمه‌د ره‌شید، رێڤه‌به‌رێ پشكا ته‌كنیكی ل ساخله‌میا دهۆكێ دیاركر كو ئه‌و هه‌ردو لا مژوولی دانوستاندنانه ژ بۆ ئیمزاكرنا رێكه‌فتنامه‌كێ ب رێكا قونسلخانێ ل هه‌ولێرێ داكو پشته‌ڤانیا كه‌رتێ ساخله‌میێ ل سه‌ر گه‌له‌ك ئاستا ژوان پلاندانانێ به‌رزكرنا كارێ روژانه یێ نوشدارا و بهێزكرنا وان و فێركرنا وان دوارێ ئه‌وان پێشكه‌ڤنێن زانستی ل جیهانێ و دیسا ئالوگوركرنا پێزانینان كو نوشدار و كارمه‌ندێن ساخله‌میێ ل دهۆكێ بچنه وه‌لاتێ ئیتالیا و نوشدارێن وان بهێنه ڤێرێ بو پشته‌ڤانیا كارمه‌ندێن ساخله‌میا دهۆكێ بهێته‌كرن.
پروڤیسور رینالو كولادو ژ وه‌لاتێ ئیتالیا دیاركر كو ژوان ده‌ستكه‌فتێن گرنگ یێن حكوومه‌تا ئیتالیا په‌سه‌ندكری ئه‌نجامدانا دانوستاندنانه دگه‌ل وه‌زاره‌تا ساخله‌میا هه‌رێما كوردستانێ و رێڤه‌به‌ریا گشتی یا ساخله‌میا پارێزگه‌ها دهوكێ ئێك ژوانانه ژبو خورتكرنا ره‌وشا ساخله‌میێ و ب تایبه‌ت بو زارۆیان و ئه‌وێن تووشی نه‌خوشیا ته‌لاسیمیا دبن و گۆت: ل ڤان سێ هه‌یڤێن داهاتی رێكه‌فتنا مه دێ كه‌ڤیته دوارێ جێبه‌جێكرنێدا و دێ مڤایه‌كێ باش ژێ هێته وه‌رگرتن.
ئه‌ڤ مالپه‌ره فرێکه
