قونسلێ ئیتالی سهرهدانا رێڤهبهریا گشتی یا ساخلهمیا پارێزگهها دهۆكێ كر
ب مهرهما پتر گهنگهشێ ل سهر خزمهتێن ساخلهمیێ و ب ههلكهفتا دهست بكاربوونا قونسلێ نوو یێ وهلاتێ ئیتالیا، ئهڤرۆ 18/8/2013، قونسلێ ئیتالیا ل ههولیرێ (كارمیلۆ فیكارا) سهرهدانا رێ؟هبهریا گشتی یا ساخلهمیا پارێزگهها دهۆكێ كر.
د.نزار عسمهت، رێڤهبهرێ گشتیێ ساخلهمیا پارێزگهها دهۆكێ دیاركر كو وهلاتێ ئیتالیا دبیاڤێن ساخلهمی و زانستی دا چهندین ساله خزمهتا پارێزگهها دهۆكێ دكهت و چهندین دهزگههێن وان یێن ساخلهمیێ دوارێن نهخۆشیێن دلی و خوینێ چارهسهریا نهخۆشێن دهۆكێ دكهن و گهلهك شاندێن نوژداری ژی ب مهرهما فێریبوونێ ل وهلاتێ ئیتالیا هاتینه وهرگرتن و خواست كو ئهڤ ههڤكاریه د بهردهوام بن و دیسا داخواز ژ قونسلێ ئیتالی كر كو هاریكاریا رێڤهبهریا گشتی یا ساخلهمیا پارێزگهها دهۆكێ بهێته كرن ژلایێ تهكنیكی ڤه ب تایبهت دوارێ دیزاینكرن و ئاڤاكرنا دهزگههێن ساخلهمیێ.
ژلایێ خوهڤه كارمیلۆ فیكارا دیاركر كو خزمهتێن ناڤبری دێ پتر پێشكهفتنێ ب خوهڤهگرن و دێ ههول هێته دان پتر ئاسانكاری بۆ وهلاتیێن ههرێما كوردستانێ ههبن.
قونسلێ ئیتالی ل ههرێمێ پشتهڤانیا خوه بۆ هنارتنا بهردهوام یا نهخۆشان نیشان دا و ههردو ئالی رێككهفتن كو ههول بهێنه دان ئێدی نهخۆشێن ههرێمێ ل دهمێ قهستا وهلاتێ ئیتالیا دكهن ل شوونا ڤیزێ ل بهغدا وهربگرن ل ههولێرێ بۆ بهێته دان.