پتر ژ 10 هزار قهستهرێن دلی ل دهۆكێ هاتینه كرن
د دو سالیا سهنتهرێ ئازادی یێ نهخۆشی و نشتهرگهریێن دلی، رێ و رهسمهك ل نهخوشخانا ئازادی هاته ئهنجامدان و كارێ سهنتهرێ ناڤبری ژلایێ چهند نوشدارێن تایبهتمهند هاته ههلسهنگاندن.
د. بههائهدین حهسهن عهبدلحهلیم راوێژكارێ ئێشێن دلی ل نهخوشخانا ئازادی دیاركر كو سهنتهرێ دلی یێ سهر ب رێڤهبهریا گشتی یا ساخلهمیا دهوكێ ل سالا 2007 هاتیه دامهزراندن وهكو سهنتهرهكێ نهخۆشێن دلی و قهستهرێ ، و گۆت: ل 11/9 سالا 2011 سهنتهرێ نشتهرگهریا دلی ژی هاتهڤهكرن، گرنگی یا ڤی سهنتهری بهرێ و دگهل نوكه نهخوشێن مه ههموو قهستهرا دهستنیشانكرنێ و یا چارهسهریێ دگهل نشتهرگهریێن دلی دچوونه ژ دهرڤه و ب بهایهكێ گران دا ل سهر نهخوشی راوهستیت، بهلێ پشتی ڤهكرنا ڤی سهنتهری خهلك گهلهك كێم قهستا وهلاتێن ژدهرڤه دكهن.
د.بههائهدین حهسهن دیاركر ژی كو ل دووڤ ئامارێن سهنتهری ل دهۆكێ ژ سالا2007 ههتا نوكه 10700نشتهرگهریێن قهستهرا دهستنیشانكرنێ و چارهسهریێ وهكو بالون و شهبهكه هاتینهكرن، خهلكی مفایهك دیتی یه و ههتا خهلك ژ ههولێر و مووسل و بهغدا ژی قهستا سهنتهرێ دهۆكێ دكهن.