چاوانیا كونترۆلكرنا نه‌خۆشیێن ڤه‌گر د ده‌مێن ته‌نگاڤیان دا د ووركشۆپه‌كێ‌ دا

ووركشۆپه‌ك ژلایێ‌ وه‌زاره‌تا ساخله‌میا به‌غدا و ب هه‌ڤكاریا وه‌زاره‌تا ساخله‌میا هه‌رێما كوردستانێ‌ ونڤیسینگه‌ها هه‌ولێر لدورچه‌وانیا ده‌ست نیشانكرنا بله‌ز بو نه‌خوشێن ڤه‌گر دره‌وشێن ته‌نگاڤ دا هاته ڤه كرن بو ماوێ‌ سێ‌ رۆژان دێ‌ یا به‌ده‌وام بیت.
د. سیروان ئه‌حمه‌د ئه‌سوه‌د، رێڤه‌به‌رێ‌ كارۆبارێن خۆپاراستنێ‌ دیاركر كو ئه‌ڤ ووركشۆپه‌ ژلایێ‌ وه‌زاره‌تا ساخله‌میا به‌غدا و ب هه‌ڤكاریا وه‌زاره‌تا ساخله‌میا هه‌رێما كوردستانێ‌ و نڤیسینگه‌ها هه‌ولێرهاتیه‌ رێكخستن، ل دۆرچاوانیا ده‌ستنیشانكرنا ب له‌ز بو نه‌خوشیێن ڤه‌گر دره‌وشێن ته‌نگاڤیان دا، و گۆت : ئه‌ڤه‌ بو په‌نابه‌رێن سوریا هاتینه و دێ‌ مفا ژێ‌ هێته‌ وه‌رگرتن و دیسان ئه‌ڤ ووركشۆپه‌ بو هه‌ر سێ‌ پارێزگه‌هێن دهوكێ‌ هاتیه‌ دانان و چه‌ندین نوژدارێن سوری پشكدار بووینه‌.
رێڤه‌به‌رێ‌ كارۆبارێن خۆپاراستنێ‌ دیاركر ژی كو شاره‌زایه‌كێ‌ ژده‌رڤه‌ یێ‌ ساخله‌میا جیهانی هه‌روه‌سان دگه‌ل شاره‌زایه‌كێ‌ وه‌زاره‌تا به‌غدا و دگه‌ل شاره‌زایه‌كێ‌ دهوكێ‌ بو ماوێ‌ سێ‌ رۆژان دێ‌ سمینار د به‌رده‌وام بن و گۆت: ئه‌ڤه‌ ئێك ژوان پلانایه‌ كو رێڤه‌به‌ریا گشتی یا ساخله‌میا پارێزگه‌ها دهوكێ‌ و دگه‌ل رێكخراوێن ساخله‌میا جیهانی پێ‌ رابووین ژ بو نه‌هێلانا نه‌خوشیێن ڤه‌گر لێ‌ خوش به‌ختانه‌ ل كه‌مپا دومیز و ده‌وروبه‌رێن پارێزگه‌ها دهوكێ‌ چ نه‌خوشیێن مه‌ترسیدار نه‌هاتینه‌ به‌لاڤكرن.