بو جارا ئێکێ سیستەمێ نازوورا ئەلکترونی ل دھوکێ کەڤتە کاری

سەنتەرێ دھوک یێ نەخوشێن مێلاک و کوئەندامێ ھەرسێ ، ل سالا ٢٠٠٨ کەفتیە د خزمەتا نەخوشان دا ، لێ سەتنەرەکێ زور یێ بچووک بو چ خزمەتێن باش تێدا نەدھاتنە پێشکێشکرن، ئەڤرو پشتی بەرفرەھکرنا وی ھەموو خزمەتێن نەخوشێن مێلاکێ و کوئەندامێ ھەرسێ تێدا ھەنە.

رێڤەبەرێ سەنتەرێ دھوک یێ نەخوشێن مێلاک و کوئەندامێ ھەرسێ د.عودیش یوحەنا دیارکرکو سیستەمەکێ نوو یێ ئەلکترونی بو نشتەرگەریێن نازوورێ ل سەنتەری ھاتە دانان و گۆت: سەنتەرێ نەخوشیێن مێلاک و کوئەندامێ ھەرسێ ل دھۆکێ ھەموو دووربینا گەدەی و قولونێ ونەخوشێن زەراڤێ لێ ھەنە و نشتەرگەری ل سەنتەری دھێنەکرن.

دیارکر ژی ل ڤێ دووماھیێ سیستەمەکێ نوو یێ تومارکرنێ ھاتیە دانان کو ئەڤە ژی ب ھەڤکاریا رێڤەبەریا گشتی یا ساخلەمیا پارێزگەھا دھوکێ، ئەڤ سیستەمە یێ ئەلکترۆنی یە و گەلەک مفا دێ ژێ ھێتەکرن ژلایێ وان و نەخوشان ژی ڤە و گۆتژی: دێ دوربینا گەدەی بو نەخوشی ھێتەکرن ھەموو پێزانینێن وی دگەل وێنە و سیدیێن وی دێ ھێنە تۆمارکرن د ڤی سیستەمی دا و دێ نەخوش وەرگریت، ئەڤە ھەموو دێ ھێتە تومارکرن ل سێرڤەرەکی دا ھەر وەختەکێ نەخوش پێدڤی بوویێ ئەم دشیێن بدەینێ، ئەڤە ژی گەلەک ھاریکاریا مە دکەت و کارێ مە ب ساناھی دئێخن، ھەروەسان بو کارێن ئەکادیمی ژی مفای دێ ژێ ھێتە وەرگرتن.