وه‌زیرێ‌ ساخله‌میا هه‌رێمێ‌ سه‌ره‌دانا پارێزگه‌ها دهوكێ‌ كر

داكو وه‌زاره‌تا ساخله‌میا هه‌رێما كوردستانێ‌ هایداری ره‌وش و ئه‌وان خزمه‌تێن دهێنه‌ پێشكێشكرن بو ئاواره‌یێن ئاكنجیێ‌ پارێزگه‌ها دهوكێ‌ دچ ره‌وش دانه‌ و ئه‌وان پێشمه‌رگه‌هێن بریندار ل نه‌خوشخانا ته‌نگاڤیا ئه‌ڤرو وه‌زرێێ‌ ساخله‌میێ‌ سه‌ره‌دانا چه‌ند جها كرن ژوان ( كه‌مپا خانك و بنگه‌هێ‌ ساخله‌میا ده‌ستپێكی ل كومه‌لگه‌ها خانكێ‌ و پارێزگه‌ها دهوكێ‌ و نه‌خوشخانا ته‌نگاڤیا ) ب هه‌ڤالینیا د. نزار عصمت رێڤه‌به‌رێ‌ گشتی ساخله‌میا پارێزگه‌ها دهوكێ‌ و شاندێ‌ دگه‌ل دا .
دبرێستكونفرانسه‌كیدا د. رێكه‌وت حه‌مه‌ ره‌شید وه‌زیرێ‌ ساخله‌میا هه‌رێما كوردستانێ‌ گوت :ده‌ستپێكی سوپاس بو پارێزگه‌هێ‌ دهوكێ‌ و ساخله‌میا دهوكێ‌ ب هه‌می نوشدار و كامه‌ندێن ساخله‌میێ‌ كو كاره‌كێ‌ هه‌ره‌ مه‌زن كرینه‌ ژبو كونترولكرنا ره‌وشا ڤان په‌نابه‌را و سه‌ره‌دانا محوه‌رێن شه‌ری و چه‌وانیا چاره‌سه‌ركرنا برینداران وه‌ك یا دیار پتری 580 هزار ئاواره‌ ل سنورێ‌ پارێزگه‌ها دهوكێ‌ دئاكنجینه‌ ژبلی ئه‌وێن به‌ری نوكه‌ لێ‌ هه‌ی بو نمونه‌ ل بنگه‌هێ‌ ساخله‌میا خانكێ‌ كو ژمارا روژانه‌ 100 كه‌س بوینه‌ ئه‌ڤرو بوینه‌ 2000نه‌خوش دروژه‌كێدا و هه‌ر ژ ده‌ستپێكا ڤێ‌ قه‌یرانی به‌رده‌وام دگه‌ل رێڤه‌به‌ریا ساخله‌میا دهوكێ‌ ئاگه‌هداری ره‌وشا ڤان په‌نابه‌راینه‌ , سوپاس بو خودێ‌ هه‌تا نوكه‌ ره‌وشا وان كونترولكریه‌ دڤان كاودانادا ئه‌م ژ 3 نه‌خوشیا دترسین نه‌خوشیا ڤالنجا زاروك اكو به‌رده‌وام هه‌وێن ڤاكسیندانێ‌ دهێنه‌ ئه‌نجام دان و نه‌خوشیا سوركا كو دێ‌ لڤێ‌ هه‌یڤێ‌ هه‌وه‌ك هێته‌ ئه‌نجام دان هه‌می هه‌ول و بزاڤێن وه‌زاره‌تا اخله‌میا هه‌رێمێ‌ ئه‌وه‌ كو ئه‌و خزمه‌تێن ساخله‌میێ‌ بو ئاكنجێن دهوكێ‌ دهێنه‌ پێشكێشكرن بو ئاواره‌یا هه‌مان خزمه‌ت بن , وه‌زیری ئاشكراكر : كو لڤێره‌ ئه‌ز داواكاریه‌كێ‌ بده‌مه‌ رێكخراوێن نیڤ ده‌وله‌تی پتر گرنگێ‌ بده‌نه‌ ئاڤا ڤه‌خارنێ‌ و گرنگێ‌ ب پاقژێ‌ بده‌ن ژبه‌ر ره‌وشا كه‌مپا زور یا خرابه‌ ژوان جهێ‌ نڤستنێ‌ و خارن و ڤه‌خارن و جهێ‌ سه‌رشیشتنێ‌ و جهێ‌ ده‌ستئاڤێ‌ و ترسا هه‌ره‌ مه‌زن ژ نه‌خوشیا كولێرایێ‌ لێ‌ لڤێره‌ خه‌لكێ‌ خو پشت راست دكه‌ین كو ئه‌ڤ نه‌خوشیه‌ نینه‌ , داخوازا حكومه‌تا ئیراقا فیدارل و وه‌زاره‌تا كوچ و كوچبه‌را دكه‌م پشته‌ڤانیا حكومه‌تا هه‌رێمێ‌ پتر بگرم ئه‌وا پارێزگه‌ها دهوكێ‌ و خه‌لكێ‌ وێ‌ كری جهێ‌ سه‌رفرازییه‌ لێ‌ ئه‌ڤ كاره‌ پێتڤی ب پشته‌ڤانیا هه‌می لایه‌نا هه‌یه‌ و ئه‌ڤه‌ هنده‌ ده‌رگه‌هێ‌ قوتابخان ڤه‌بیت و زستان نێزیك مه‌ داخوازیا ژ حكومه‌تا ئیراقێ‌ كریه‌ كو ده‌رمان و ئه‌مبلانسا بو دهوكێ‌ فرێكه‌ت .
د. نزار عصمت رێڤه‌به‌رێ‌ گشتی ساخله‌میا دهوكێ‌ گوت : هاتنا جه‌نابێ‌ وه‌زریی بومه‌ پشته‌ڤانیه‌كا زوره‌ , وه‌ك یا دیار ئه‌م وه‌ك ساخله‌میی ل ده‌ستپێكا ڤێ‌ قه‌یرانێ‌ پێدڤی ب 55 ملیون دولار بو 3 هه‌یڤێن داهاتی ئه‌وێ‌ گه‌هشتی تا نوكه‌ ژ حكومه‌تا ئیراقی و حكومه‌تا هه‌رێمێ‌ و هنده‌ك ژ وه‌لاتێن دی خوبه‌خش گه‌هشتینه‌ 10 ملیون دولارا ئه‌گه‌ر به‌راوردیێ‌ بكه‌ین زور كێماسی هه‌یه‌ , لێ‌ هاتنا ده‌رمانا ب ڤی شێوه‌ی ئه‌م توشی قه‌یرانێ‌ نه‌بوینه‌وه‌ك هین دبین نكو دوو فات ئاواره‌ زێده‌بوینه‌ ئه‌گه‌ر وه‌سا بچیت ئه‌ز باوه‌رم تیر مه‌ ناكه‌ن له‌ورا ئه‌م پێدڤی پتر پشته‌ڤانیێ‌ ینه‌ .