647 تیم دێ زارۆیان دژى نه‌خۆشیا فالنجێ ڤاكسین ده‌ن
هاتیه بلاڤکرن روژا ئێک شه‌مبێ, 14 ئه‌یلول 2014 - 1:32pm
رێوره‌سمێن هه‌وا فاكسیندانێ دژى نه‌خوشییا فالنجا زاروكا هاته ئه‌نجامدان ب ئاماده‌بونا فه‌رهاد ئه‌ترووشى پارێزگه‌رێ دهوكێ و د. نزار عصمت رێڤه‌به‌رێ گشتى ساخله‌مییا دهوكێ و نوونه‌رێن رێكخراوێن نیڤ ده‌وله‌تى و چه‌ند نوشدار و كارمه‌ندێن په‌یوه‌ندیدار ل بنگه‌هێ كلدان یێ ره‌وشه‌نبیرى و هونه‌رى.
فه‌رهاد ئه‌تروشى، پارێزگارێ دهۆكێ دیار كر كو ئه‌ڤى بنگه‌هێ ل ناڤه‌ندا سه‌نته‌رێ دهوكێ زوبه‌رى ئاوارا حه‌واندینه ژ برایێن مه ییێن كریستیان و كوردێن ئێزدى تێدانه ئه‌ڤه ژى په‌یامه‌كا بهێزه بو هه‌مى لایه‌نا و بتایبه‌تى بو داعشا تیرورست كوخه‌لكێ ڤێ ده‌ڤه‌رێ دشێت پێكڤه بژین بێ جیاوازى ئاینى و نه‌ته‌وه پێكڤه دژین ، كارێ رێڤه‌به‌ریا گشتى ساخله‌میا دهوكێ دگه‌ل مه لایه‌نێن مه دیار كرین دگه‌ل رێكخراوێن who ، unisef ژبۆ وێ چه‌ندێ كو فالنجا زاروكا دناڤا واندا به‌لاڤه نه‌بیت كو ژماره‌كا زوریا ئاواره‌یان كو 258 هزار كه‌سان پێك دهێت كو پشكه‌ك ژ وان كوردێن رۆژئاڤانا كو نێزیكى ده‌هـ هزارانه دگه‌ل ئاواره‌یێن پارێزگه‌ها موسل و شنگال و زومار و ده‌وروبه‌رێن وێ نێزیكى 65 هزار كه‌سن و 184 هزار كه‌س ژى ئاواره‌یێن ده‌وروبه‌رێن پارێزگه‌ها دهوكێ نه.
گۆت ژى: كارێ گرنگ ل ڤێره ئه‌وه كو ئه‌ڤ هژمارا زور یا زاروكێن ئاواره دێ د ڤێ هه‌وا نیشتیمانى یا ڤاكسینێ وه‌رگرن ئه‌ڤه ژى كاره‌كێ پیروز و مروڤایه‌تى یه كو ساخله‌میا دهوكێ دكه‌ت دا كو زاروكێن مه بهێنه پاراستن ژ ڤێ نه‌خوشیا مه‌ترسیدار و ژیانه‌كا ساخله‌م دا بژین.
سه‌باره‌ت خزمه‌تێن په‌نابه‌ران پارێزگه‌رێ دهوكێ دیاركر خزمه‌تێن حكومه‌تا هه‌رێمێ و پارێزگه‌ها دهوكێ دێ به‌رده‌وام بن هه‌تا هه‌كه رێكخراوێن نیڤ ده‌واه‌تى ژى هاریكاریا كارگێریا پارێزگه‌هێ نه‌كه‌ن ئه‌م به‌رده‌وامین د خزمه‌تا په‌نابه‌رێن خوه دا هه‌ر هاریكاریه‌كا دهێت ژلایێ حكومه‌تا هه‌رێمێ یان رێكخراوان ئه‌م دێ لسه‌ر هه‌مى ئاوارێن پارێزگه‌ها دهوكێ به‌لاڤ كه‌ین.
د.نزار عسمه‌ت ، رێڤه‌به‌رێ گشتى یێ ساخله‌میا پارێزگه‌ها دهوكێ گوت: ئه‌ڤه هه‌وه وه‌زاره‌تا ساخله‌میا هه‌رێمێ ب هه‌فكاریا رێكخراوا unisef ، رێكخراوا ساخله‌میا جیهانى who دهێته ئه‌نجام دان ، گوت ژى:ئه‌ڤه هه‌وا پێنجێ یا نیشتیمانى یه دهێته ئه‌نجام دان دگه‌ل ڤێ چه‌ندێ ژى چه‌ندین هه‌وێن دى ژى هاتینه كرن كو دناڤا په‌نابه‌ران دا هاتیه كرن.
گوت ژى: هه‌وێن مه یێن پاراستنا ساخله‌میێ دێ به‌رده‌وام بن كو نها هه‌وك دژى نه‌خوشیا سوركا یا به‌رده‌وامه كو ل هه‌فتیا بورى ده‌ستپێكریه و ئه‌م داخازێ ژ پارێزگه‌ریا دهوكێ ژى دكه‌ین كو زێده‌تر پشته‌ڤانیا كه‌رتێ ساخله‌میێ بكه‌ت هه‌ر چه‌نده ئه‌م باوه‌رین كو ئه‌و پشته‌ڤان و هاریكارێن مه‌نه لێ هژمارا زور یا ئاواره‌یان پێتڤى ب زێده‌تر خزمه‌ت كرنێ هه‌یه دا كو نه‌خوشێن به‌ربه‌لاڤ دناڤا وان ئاواره‌یان دا به‌لاڤ نه‌بن ئه‌و ژى پێتڤى یه ئاڤ و خارنێن پاقژ بۆ ڤان په‌نابه‌ران بهێنه دابین كرن.
د.لوما حازم ، سه‌رپه‌رشتا تیمێن هه‌وا فاكسین دانێ ل رێڤه‌به‌ریا كاروبارێن خو پاراستنێ دیار كر: د ڤێ هه‌وێ دا تیمێن ڤاكسین دانێ هاتینه زێده كرن 647 تیم هاتینه پێك ئینان كو هنده‌ك دێ ل بنگه‌ها خوجهـ بن و هنده‌ك ژى دێ ب شێوێ گه‌روك به‌لاڤه بن و ئه‌ڤ هه‌وا نیشتیمانى دێ بۆ ده‌مێ پێنج رۆژا یا به‌رده‌وام بیت و هه‌كه د ده‌مێ خوه دا ئه‌ڤ هه‌وه ب دووماهى نه‌هات دێ سێ رۆژێن دى هێنه زێده كرن.
ئه‌ڤ مالپه‌ره فرێکه
