پتر ژ 72 هزار پشكنینێن نهخوشیا ئایدز ل دهوكێ هاتینه كرن
هاتیه بلاڤکرن روژا دوو شهمبێ, 1 کانونا بچیک 2014 - 8:59pm
دوهى 1/12/2014 ل رێڤهبهریا كاروبارێن خوپاراستنێ روژا جیهانى یا ئایدزێ ب چهندین چالاكى و سمینارا هاته ساخ كرن و بریاره بۆ دهمێ چهند روژان بۆ رهوشهنبیریا تهخێن جڤالكى سهبارهت ڤێ نهخوشیێ ئهڤ چالاكیه بهردهوام بن.
وارهێل نێروهیى
د.سیروان محهمهد، رێڤهبهرێ كاروبارێن خوپاراستنێ ل پارێزگهها دهوكێ بۆ ئهڤرو دیاركر: رێڤهبهریا كاروبارێن خوپاراستنێ ب ههفكاریا رێڤهبهریا گشتى ساخلهمیێ دهوكێ روژا جیهانى یا نهخوشیا ئایدزێ ب چهندین چالاكى و سمینارێن رهوشهنبیریا ساخلهمیێ هاته ساخ كرن،گوت ژى: ههتا نوكه پتر ژ 72 هزار پشكنینا بۆ نهخوشیا ئایدز ل دهوكێ هاتینه ئهنجام دان.
گوت ژى: ل گورهیى راگههاندنا وهزارتا ساخلهمیا حكومهتا ههرێما كوردستانێ ل ههر سێ پارێزگههَن ههرێمێ 17 حالهت ل سالا 2013 هاتینه تومار كرن و ل دهوكێ ژى سێ حالهت ههبووینه ئهو ژى هاولاتێن ههرێمێ بووینه ل دهرڤهیى وهلاتى ڤهگهریا بوون و لێ خوشبهختانه ههتا نوكه ل سالا 2014 چ حالهت نههاتینه تومار كرن.
دیار كر ژى: ئهو حالهتێن ئهڤ ساله ل دهوكێ هاتینه تومار كرن پشتى دوو كهس بیانى دڤیان بهێنه ئاخا ههرێمێ و پشتى پشكنین روتین بۆ هاتینه كرن دیار بوویه ئهڤ نهخوشیا ههیه لهورا دووباره هاتنه ڤهگهران بۆ وهلاتێن وان دا كو چارهسهرى بۆ وان بهێنه كرن.
دیاركر: بهراورد دگهل ئهو ئامارێن ل وهلاتێن جیرانێ عیراقێ دهێنه تومار كرن خوشبهختانه ل ههرێما كوردستانێ رێژهكا گهلهك كێم ههیه ئهڤه ژى بۆ وێ چهندێ دزڤریت كو كونترولهكا باش بۆ ڤێ نهخوشیێ دهێته كرن.
ل دووف پلانا نیشتیمانى بۆ ڤێ نهخوشیێ بهردهوام دیفچوون و پشكنین و رهوشهنبیریا وان كهسان دهێنه كرن ئهو تووشى ڤێ نهخوشیێ بووین و بهردهوام دهرمانێن تایبهت بۆ دهێنه دابین كرن.
سهبارهت رێین ڤهگوهاستنێ د.سگڤان حسن ،بهرپرسێ هوبا ئایدز و نهخوشێن زاینده دیاركر: رێكێن سهرهكى بۆ ڤهگوهاستنا نهخوشیا ئایدزێ ب كریارێن سكسى ، دهرزى و سرنجێن پیسبوویى ، وهرگرتنا خوینێ و پێكهاتێن وێ ههروهسا ئهو دایكا ههلگرێ ڤێ ڤایروسى بیت تووشى زاروویى دبیت.
ل دوور خو پاراستن ژ ڤێ نهخوشیێ گوت: خو دویر كرن ژ كریارێن سكسى یان ژى بكار ئینانا كاندومى دهمێ كریارا سكسى ژ دهرڤهیى ژیانا ههڤژینێ دكهت و چهندین رێكێن دى خوپاراستنێ ههنه پێدڤیه هشیار بن.