70 پارچهیێن قهوقهعا گوهی بو زارۆیێن پاررێزگهها دهوكێ هێنه چاندن
ل دویڤ پروگروگرامهكێ دارێتی حكومهتا ههرێما كوردستانێ كوژمهكێ پارهی بو وان خێزانێن زارۆیێن وان كهرو لال تهرخانكرینه ، و رێڤهبهریا گشتی یا ساخلهمیا پارێزگهها دهوكێ و ب رهزامهندیا رێكخراوا ساخلهمیا جیهانی دێ رابن ب ئهنجامدانا 70 كریارێن نشتهرگهیا چاندنا قهوقهعا گوهی بو زارۆیێن سهرانسهری پارێزگهها دهوكێ .
د.ئهفراسییاب موسا رێڤهبهرێ نهخوشخانا ئازادی یا فێركرنێ دبرێسكونفرانسهكێ روژنامهڤانی دا دیاركركو وهك پروگرامهك بو كهرتێن ساخلهمیێ ، حكومهتا ههرێما كوردستانێ كوژمهكێ پارهی تهرخانكریه ، ژبو چاندنا قهو قهعا گوهی ، بو وان زارۆیێن دووسالیێ كێمتر ، وگوت: ل پارێزگهها دهوكێ دورێن 300 زارۆیان ههیه گوه ل هیچ دهنگهكی نابن ، مفایێ وان ئهوه دهمێ ئهڤ قهوقهعه ل گوهێ وان دهێته دانان ، دێ گول دهنگان بن ، حكومهتا ههرێما كوردستانێ و وهزارهتا ساخلهمیێ 70 پارچهیێن قهو قهعا گوهی بههرا پارێزگهها دهوكێ تهرخانكرینه .
د.ئهفرا سییاب موسا خویاركر ژی كو20 نشتهرگهریێن قهو قهعا گوهی بو زارۆیێن كێمتر ژ دووسالی هاتنه ئهنجامدان ، و گوت : بو ههر پارچهكێ پێدڤی ب كوژمێ 18هزار دولاران ، بهلێ ههكه ژ دهرڤهی وهلاتی ئهڤ نشتهرگهریه هاتبانه ئهنجامدان پێدڤی ب كوژمێ نێزیكی 40 هزار دولاران بن ، ئهڤه ژی ژ ئالیێ حكومهتا ههرێما كوردستانێ بوینه ، كو نشتهرگهری بو ڤان زارۆیان بێ بهرامبهر هاتینه ئهنجامدان ، پشتی ئهڤ قوناغا نشتهرگهریێ بدوماهی بێت ، دێ 37 حالهتێن دی هێنه نشتهرگهیكرن ، دێ 33 حاله تێن دی هێدی هێدی دێ دهست پێكهین .
د. نافع حهماشه نوینهرێ رێكخراوا ساخلهمیا جیهانی ل دهوكێ گوت : مهرهما سهرهكی ژ ڤی پروژهی ئهوه كو بهرزكرنا ئاستێ نوژدارو كارمهندێن كهرتێ ساخلهمیێ ، دیسان ژ بو زڤراندنا ئهوێ گرنژینا ل سهر لێڤێن وان زارۆیێن كهرو لال ، وهكو یادیار ئهڤ نشتهرگهریه دبیته ئهگهرێ زڤرینا گوهلێ بونێ و ئاخفتنێ ، وهكو ههر زارۆیهكێ نورمال بژیت ، خالا ههرهگرنك ئهوه كێمكرنا زارۆیێن پهك كهفتی ، ئهڤ پشتهڤانیه دێ یا بهردهوام بیت ژلایێ رێكخراوا ساخلهمیا جیهانی بو كهرتێ ساخلهمیێ .