ئیتالیا دیزاینەکێ نوو بۆ ساخلەمیا دھۆک چێکر ئێدی ھەموو بنگەھێن ساخلەمییێ دی وەکھەڤ بن

رێڤەبەریا گشتیی ساخلەمییی ب ئامادەبوونا فرھاد ئەتروشی پاریزگاری دھۆکێ پرۆژی رێکخراوا Aispo یا ئیتالی شروڤەکر ، رێکخراوا ناڤبری دیزاینەکی نوو دووڤ ستاندەرین جیھانی بەرھەڤکریە بۆ ئاڤاکرنا بنگەھێن ساخلەمیی وئێدی ھەموو بنگەھێن ساخلەمیی دێ دھوکێ وەکھەڤ بن.

فرھاد ئەتروشی پاریزگاری دھۆکێ دیارکرکو  ھندی کار بۆ ساخلەمیێ بھێتە کرن کێمە چونکو  فاکتەری ھەرە گرنگە دناڤ ھەر جڤاکەکێ دا وژیانا ھەر تاکە کەسەکێ دا بابەتی ساخلەمیی وساخلەمیا باشترە دیارە وەلاتێن جیھانی یێن پێشکەڤتی وەکو وەلاتی ئیتالیا تشتی وەسا دگەرین کو بشین زێدەتر سەنتەرێن ساخلەمیی یێن باش دروست بکەن داکو چارەسەریێن باشتر ببینن بۆ نەخۆشان و مەرەما ژی ئەو ژیانەکا خوشتر وساخلەمیەکا باشتر و ژیەکێ درێژتر ە ئەڤە ژی ئێک ژوان پێڤەرێن نەتەوەیێن ئیککرتی یە داکوکیی ل سەر دکەت ئێک ژوانا پێڤەران ژی ئەوە کا مروڤ چەند ژیێ دبەت کو ژیێ مروڤی ودرێژاھیا وێ پشت بەستنی ل سەر ھندی دکەت ساخلەمیەکا باش ھەبیت.

پاریزگاری دھۆکێ زێدەتر گۆت: رێکخراوا Aispo دیزاینەکی نوو دووڤ ستاندەرکێ جیھانی بۆ ساخلەمیا دھۆکێ بەرھەڤکریە بۆ ھندی ھەکەر ئایندەکێ نێزیکدا شیان ھەبن ئەڤ جۆرە دیزاین و مۆدیلە ل پارێزگەھا دھۆکێ  بجە بھێت  داکو خزمەتێن باشتر پێشکیشی وەلاتێن خوە بکەن بیاڤێ ساخلەمیی دا لێ رەوشەنبیریا ساخلەمیی ژ ھەموو تشتەکێ گرنگترە ھەر وەکو دبێژن خوەپاراستن باشترە ژ چارەسەری پێدڤیە ئەم گرنگیی بداینە خۆارنا خوە ستایلێ ژیانا خوە رەنگە ئەم پێدڤی گەلەک تشتان نەبن ھەم بۆ حکومەتی ژێ ھەروەسا بۆ وەلاتیان ژی باشترە.

د. نزار عسمەت رێڤەبەرێ گشتی ساخلەمیی ل پارێزگەھا دھۆکێ دیارکرکو دۆھێ ١٠/٦ ژێر چاڤدیریا پارێزگاری دھۆکێ سیستەمەکێ نوو ساخلەمیێ ھاتە شروڤەکرن ب ھەڤکار دگەل رێکخراوا Aispo ل زانکۆیا سەساری یا ئیتالی ل وەلاتی ئیتالیا دیزاێن نوو یێ ھاتیە دروستکرن کو ھەولدان بەردەوامن دگەل ریکخراوا Aispo  داکو ئەم بشین بەردەوام سیستەمێ ساخلەمیی پێش بیخن ل کوردستانێ وتایبەتی ژێ پاریزگەھا دھۆکێ.

..... سەرۆکێ رێکخراوا Aispo یا ئیتالیی دیارکرکو ئەڤ ئیک ژوانا خالێن رێکەڤتنا ناڤبەرا وەلاتی ئیتالیا وحکومەتا ھەرێما کوردستانێ دا ھاتیە کرن تایبەتی ژی بیاڤێ ساخلەمیی ل پارێزگەھا دھۆکێ  دێ سیستەمێ نوو دووڤ ستاندەرێن جیھانی ل دھوکێ بجە بینن بۆ ساخلەمیا دھۆکێ.