پشکا چاڤدێریا چر ل نەخۆشخانا ھێڤی یا زارۆیان ھاتە ڤەکرن

دپریسَ کونفرانسەکێ دا رێڤەبەریا گشتیی ساخلەمییێ ل پارێزگەھا دھۆکێ بەرھەڤیا نوونەری پاریزگاری دھۆکێ و نوونەری رێکخراوا ساخلەمییا جیھانی وقونسلی وەلاتی ئیتالیا ڤەکرنا پشکا چاڤدێریا چر ل نەخۆشخانا ھێڤی ڤەکر و رێڤەبەرێ گشتیی ساخلەمیا دھۆکێ راگەھاند کو ل نێزیکێ بەرۆکێن شەری دێ نەخۆشخانا مەیدانێ ھێتە دانان.

د. نزار عێمەت رێڤەبەرێ گشتیی ساخلەمییێ ل پارێزگەھا دھۆکێ دیارکرکو ڤەکرنا پشکا چاڤدیریا چر ل نەخۆشخانا ھیڤی یا زارۆیان ب ھەڤکاریا وەلاتی ئیتالیا و رێکخراوا ساخلەمییا جیھانی ھاتە ڤەکرن ب کوژمێ ٣٠٣ ھزار دولارێن ئەمریکێ ل دروستکرنا پشکا چاڤدیریا چر یێن ھاتینە مەزاختن پشتەڤانیا رێکخراوا ساخلەمیا جیھانێ.

د. نزار عێمەت گۆتژی وەزارەتا تەندروستی دگەل وەزارەتا پێشمەرگێ پلان ھەنە بۆ ئاڤاکرنا نەخۆشخانێن لەشگەری ل سلیمانیی یا ھەی نوکە ئەم ل پارێزگەھا دھۆکێ دگەل رێکخراوا نوشدارێن بیێ سنۆر یێ ھەولدەن نەخۆشخانەکا مەیدانێ ل نێزیکێ بەرۆکێن شەری بھێتە دانان دێ خزمەتا پێشمەرگێ قەرەمان و وەلاتیان ژێ کەت ئەڤ پرۆژی ساخلەمیێ یێ قوناغێن دووماھیێ دایە.

د. نزار بکر رێڤەبەرێ نەخۆشخانا ھێڤی یا زارۆیان دیارکرکو ھەر زارۆیەکێ ھەبیت لایەنی وێ ساخلەمییێ گەلەک نەیێ باش بیت، ھندەک جاران پشتی نشتەگەری نەخۆش ئێکسەر پێدڤی ھندی دبیت ھەناسە وێ ئامیری بھێت و بچیت دێ ئەو زارۆ ھێتە ڤێ پشکێ دا وبەری نھا ژمارا تەخێن یەکا چاڤدیریا چر ناڤ نەخۆشخانێ دابوون و زۆر دکیمن بوون لێ نوکە پشکەک ھاتە ڤەکر وژمارا تەختێن یەکا چاڤدێریا چر ھاتنە زێدەکرن ئەڤە ئێکەمین جارا ئەڤ پشکا دھێتە ڤەکرن دووڤ ستاندەرێن جیھانی یا ھاتیە دروستکرن چوو کیماسی تێدا نینن.

د. نزار بکر دیارکرکو رێژا ٨٠% نەساخێن دھێنە نەخۆشخانا ھێڤی ئاوارەنە ئەڤ پشکا ژێ بیێ بەرامبەر دخزمەتا ھەموو زارۆیان کەت 

قونسلی وەلاتی ئیتالیا دیارکرکو بیاڤی ساخلەمیێ دا دێ زێدەتر خزمەتا پارێزگەھا دھۆکێ کەن ئەوژی ل گۆر پێدڤیاتێن ساخلەمییا دھۆکێ کو ھەر تشتەکێ پێدڤی بن ئەم دێ ھەڤکاریا وان کەن ھەتا نوکە وەلاتی ئیتالیا چەندین بیاڤێن ژێکجۆدا ھەڤکاریا ھەرێمێ کریە.

نوونەری پاریزکاری دھۆکێ ئیسماعیل محمد دیارکرکو ئەو رێژا ئاوارە یا دھۆکێ ھەی ل چوو جھێن دێ نینە لەورا ژێ دھۆکێ پێدڤین ھەڤکاریێن زێدەتر ھەیە ھەموو بوارەکێ دا بتنی ل کەرتی کارەبی دۆرین ٢٠ کەمپا ١١٣ میگاواتێن کارەبی دچن رێژا ٢٠% کارەبا پارێزگەھا دھۆکێ بۆ ئاوارە دچیت دھەموو کەرتێن دێ دا پارێزگەھا دھۆکێ پێدڤی ھەڤکاریا ھەموو لایەیان ھەیە دا بشیت زێدەتر خزمەتا خەلکێ دھۆکێ و ئاوارە بکەت.