رۆژا جیھانی یا نەخۆشیا شەکری ھاتە ساخکرن

رۆژا جیھانی یا نەخۆشیا شەکری ب چەندین چالاکیا دۆھی ١٥/١١/٢٠١٥ ھاتە ساخکرن و تێدا ھاتە راگەھاندن ل سەرانسەری جیھانی دۆرین پێنچ ملیون کەسان تووشی نەخۆشیا شەکری بووینە.

د. نزار عسمەت تەیب رێڤەبەرێ گشتیی ساخلەمیا پارێزگەھا دھۆکێ بۆ ئەڤرۆ دیارکرکو ئارمانج ژ ساخکرنا رۆژا جیھانی یا نەخۆشیا شەکری ئەو وەلاتی دێ چەوا ناسین وخوە ژی پارێزن دروستاھی چارەسەریا خوە وەربگرن، ساخلەمیا دھۆکێ بۆ ھەموو نەخۆشیان ئەستراتیچێن تایبەت ھەنە بۆ ھندی بشین نەخۆشیان کێم بکەین وئاستی رەوشەنبیریا وەلاتیان زێدە بکەین وچارەسەریێن پێدڤی بگەھینینە خەلکێ خوە وباشت رخوە نێزیکێ خەلکێ خوە بکەن وچارەسەریا نەخۆشیێ بکەن.

 د. نزار گۆتژی دەستخۆش بۆ وان کەسین شیانێن دەرمانێن پێدڤی یێن گاریکەر دابین بکەن بۆ نەخۆشان ئەم ھەردەم پلانێن باشتر دارێژن بۆ ھندی خوە گازندیێن وەلاتیان بگەینە خودان و سەنتەرین چارەسەریا خێزانێ شیوەیەکێ باش خزمەتا نەخۆشیان دکەن تایبەتی ژێ دبواری نەخۆشیا شەکری دا نە بتنی ئەو کەسین تووشی نەخۆشیا شەکری دبن پیدڤیە گرنگی پی بھێتە دان بەلکو پێدڤیە زێدەتر گرنگی وان کەسان بھێتە دان یێن تووشی نەبووینە نەخۆشیا شەکری وەکو زارۆ و ژنان. 

بەھزاد عەلی ئادەم پارێزگاری دھۆکێ ب وەکالەت دیارکرکو  ساخکرنارۆژا جیھانی نەخۆشیا شەکری زۆر یا گرنگە وپێدڤیە زێدەتر وەلاتی بھێنە ھاندان دبواری رەوشەنبیری د اخوە ژ نەخۆشیا شەکری بپاریزن سەرەرایێ ئەم ئەڤرۆکە یێ قەیرانا دارایی دا و شەری دژی تیرورستێن داعش وھاتنا ژمارەکا زۆر ئاواران بۆ دھۆکێ لێ ساخلەمیا دھۆکێ بەردەوام ئەرکی خوە بجە ئینایە ودەستخۆشیی ل ھەموو کارمەند ونوشدارین ساخلەمیا دھۆکێ دکەین.

د. رجەب حەسەن سەنعان تایبەتمەندی نوشداریا خیزانی و نەخۆشیا شەکری دیارکرکو سالە ٢٠١٥ی ٤١٥ ملیون نەخۆشین شەکری ل دونیایی ھەنە کو ژوانا ١٩٩ملیون ژنن یێ دیتر زەلامن ل سالە ٢٠٤٠ دێ گەھنە ٦٤٢ ملیون نەخۆشان ل دونیایی ئەڤە ھندی دگەھینت نەخۆشیا شەکری بەردەوام دزێدەبوونی دایە.

د. رەجەب گۆتژی نوکە ھەر ئێک ژ ١٦ کەسان ئێکی نەخۆشیا شەکری یا ھەی سالە ٢٠٤٠ دێ ھەر ١٠ کەسان ئێکێ نەخۆشیا شەکری ھەبیت ، ل جھێن باژیران پتر ژ گۆندان وەلاتی تووشی نەخۆشیا شەکری دبن ئەڤە ژێ بۆ ھندی یە ل گۆندان پتر ھاتن وچوونی یا ھەی ل باژێری پتر روونشتن یا ھەی.

ناڤبری ئەوژی دیارکرکو پێدڤیە کار بھیتە کرن بۆ کێمکرنا ژمارا نەخۆشین شەکری  ئەو کەسین نەخۆشیا شەکری دمرن زۆر پتر ژ وان کەسین ھەلگریین نەخۆشێن گوشندە ، گەلەک کار بۆ کونترول کرنا نەخۆشیا  شەکری یی ھاتیە کرن وپێدڤیە زێدەتر کار بھێتە کرن.