کلینکا راوێژکاری ل کولیژا زانستێن ساخلەمیێ تاخێ شەھیدان ھاتە ڤەکرن

 رێڤەبەرێ گشتی یێ ساخلەمیا پارێزگەھا دھۆکێ دیارکر کو ل رۆژا ۹-١٠-٢٠١٨ کلینکەکا راوێژکاری ل تاخی شەھیدان ھاتە ڤەکرن ئەڤ کلینکێن راوێژکاری ئێکە ژ سیستەمێ کاری یێ وەزارەتا ساخلەمیا ھەرێما کوردستانێ.

د. نزار عسمەت تەیب، رێڤەبەرێ گشتی یێ ساخلەمیا پارێزگەھا دھۆکێ دیارکر کو مەرەم ب ڤەکرنا ڤێ کلینکێ ئەوە بشێن ھندەک خزمەتان پەیدا بکەن ب بھایێن گونجایی بۆ خەلکێ دەڤەرێ بشێن قەستا ڤان کلینکا بکەن بۆ چارەسەری و پشکنینان ژی ئەنجام بدەن ل ڤان کلینکا، ڤەکرنا کلینکا راوێژکاری ل کولیژا زانستێن نوشداری ل تاخێ شەھیدان ئێکە ژ دەستکەفتێن تاخێ شەھیدان بشێن قەستا نێزیکترین جهـ بکەن بۆ وەرگرتنا چارەسەریێ و پشکنینا، ماموستا و راگری کولیژا زانستین نوشداری ژی داخواز کربوون ساخلەمیا دھۆکێ پشتەڤانیا وان بکەت بۆ ڤەکرنا کلینکا راوێژکاری ب ھەماھەنگی دگەل سەرۆکێ زانکۆیا دھۆکێ مە شیا داخوازیا وان بکەینە راستی ئەڤرۆکە کلینکا راوێژکاری بۆ وان ڤەکەن و بھایێ وێ دێ یێ گونجایی بیت وەکو ھەموو کلینکێن دێ یێن راوێژکاری.

د. مسلح دھۆکێ سەرۆکێ زانکۆیا دھۆکێ دیارکر کو ب ھەماھەنگی و ھەڤکاریا بەردەوام یا ساخلەمیا دھۆکێ دگەل زانکۆیا دھۆکێ ئەڤرۆ کلینکا راوێژکاریا کولیژا زانسستێن تەندروستی پشتەڤانیا ساخلەمیا دھۆکێ و ڤەکرنا ڤێ کلینکێ پشتەڤانیێ بۆ خەلکێ دھۆکێ ب تایبەتی ژی بۆ خەلکێ کێم دەرامەت ھەروەسا پشتەڤانیا بۆ قوتابێن زانکۆیا دھۆکێ دێ راھێنانێن پراکتیکی ل سەر کەن و پێزانینێن خوە دێ پتر بەرفرەهـ کەن و زانکۆیا دھۆکێ ھەردەم گرنگی دایە چالاکیێن ساخلەمیێ ھەروەسا ژی بۆ گوھورینا سیستەمێ خواندنێ ل کولیژا پزیشکی ل زانکۆیا دھۆکێ بەری چەند رۆژان کونفرانسەکێ نێڤدەولەتی ئەنجامدا مەرەما مە ئەو سیستەمێ نوو یێن پزیشکی بگەھتە دھۆکێ بیگومان دێ دەرچوویێ ڤی سیستەمی پتر خزمەتا خەلکێ مە کەت.
د. وەلید بەرواری، ل کلینکا راوێژکاریا تاخی شەھیدان دیارکر کو دێ نوشدارێن ژن و زارۆکبوونێ و نوشدارێ زارۆکا و نوشدارێ نشتەرگەریا و نوشداری دل و ھناڤ و نوشدارێ خێزانێ و نوشدارێ سونار ژی ھەیە دێ کلینکا راوێژکاریا ساخلەمیێ کارکەن ھەموو پێدڤی ل کلینکا راوێژکاری ھەنە دێ بەردەوام بن دخزمەتا خەلکێ خوە دا.