به‌رهه‌ڤیێن ڤه‌كرنا نه‌خۆشخانا نوو یا ته‌نگاڤیان دهێنه‌ كرن

 رێڤه‌به‌ریا گشتی یا ساخله‌میا پارێزگه‌ها دهۆكێ‌، ب هه‌ڤكاریا رێكخراوا GIZ یا ئه‌لمانی ده‌ست ب به‌رهه‌ڤكرنا ستافێ‌ ساخله‌میێ‌ كرن بۆ پرژۆی نوو یێ‌ ته‌نگاڤیان ل نه‌خۆشخانا ئازادی.

د.نزار عصمه‌ت، رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ دیاركر ئێك ژ ئارمانجێن وان ئاڤاكرنا شیانێن كارمه‌ندێن ساخله‌میێ‌ و نوشدارانه‌ بو كاری و گۆت: پشكا ته‌نگاڤیان ل نه‌خوشخانا ئازادی یا فێركرنێ‌ نوكه‌ د قووناغێن دووماهیێ‌ دایه‌، له‌ورا مه‌ ب هه‌ڤكاری دگه‌ل رێكخراوا GIZ یا ئه‌لمانی پلانه‌ك دانایه‌ ئه‌و فه‌رمانبه‌رێن ل پشكێن ته‌نگاڤیان كاردكه‌ن، ل دووڤ پێدڤیێن دهێنه‌ دیاركرن ژلایێ‌ رێڤه‌به‌ری و ده‌زگه‌هێن ساخله‌میێ‌، پشكداری خولا ببن و ئه‌ڤ پرۆژه‌ دێ‌ سێ‌ سالان ڤه‌كێشیت و تێدا خول ل ده‌رڤه‌ی هه‌رێمێ‌ و ناڤ هه‌رێمێ‌ دێ‌ هێنه‌ ڤه‌كرن بو پتر خزمه‌تكرنا وه‌لاتیان.
د. به‌ختیار ئه‌حمه‌د ئامێدی، ل رێكخراوا GIZ ل دهۆكێ‌ دیاركر كو د چارچووڤێ‌ ئه‌و هه‌ڤكاریا دهێته‌كرن ناڤبه‌را رێڤه‌به‌ریا گشتی یا ساخله‌میا پارێزگه‌ها دهۆكێ‌ و رێكخراوا GIZ و هه‌ڤكاریا ئه‌لمانیی كۆمبونه‌ك هاته‌ كرن بۆ دارشتنا پلانا كاری بۆ راهێنان و شیانان كارمه‌ندێن ساخله‌میێ‌ و په‌ستار و نۆشداران وهه‌موو ستافی، ب تایبه‌تی ل نه‌خۆشخانا ئازادی بۆ سێ‌ سالێن بهێت كا چ پێدڤیه‌ بهێته‌ كرن و گۆت: بۆ قۆناغا ئێكێ‌ بۆ وێ‌ نه‌خۆشخانا نوو دهێته‌ ڤه‌كرن ئه‌وا ژلایێ‌ رێكخراوا GIZ دروست دكه‌ت ل نه‌خۆشخانا ئازادی داكو ده‌مێ‌ ب دووماهی دهێت ئێكسه‌ر یا به‌رهه‌ڤ بیت وخزمه‌تا وه‌لاتیان و نه‌خۆشان بكه‌ت ،هه‌روه‌سا ژی ئاستی پێشكیشكرنا خزمه‌تێن ساخله‌میێ‌ ل نه‌خۆشخانا ئازادی و هه‌موو دام وده‌زگه‌هیێن ساخله‌میا دهۆكێ‌ بهێنه‌ پێشڤه‌برن ل دووڤ ئاسته‌كێ‌ باش بۆ هندێ‌ شیانێن كارمه‌ندان وسه‌رده‌ری دگه‌ل نه‌خۆشان ژی بهێته‌ پێشڤه‌برن و بهێزكرن دووڤ هه‌ڤكاریا هاتیه‌ كرن دێ‌ پلانا سێ‌ سالی ل هه‌یڤا 9 ژ ئه‌ڤ سالا ده‌ست بجه ئینانا پلانێ‌ هێته‌ كرن و بۆ سێ‌ سالان دێ‌ یا به‌رده‌وام بیت.