نهخوشخانا ئازادی یافێرکرنێ
بهشين سهر ب نهخوشخانی ڤه :- هناڤ- دل- تهنگاڤی- نهشتهرگهری -ژن و زاروک بون- تيشک-لابور-دهرمانسازی و تهکنيکی.
ناڤ و نيشانين نهخوشخانی :- جادا نهخوشخانه : 8 1014 1م روبهر:- روبهری ئاڤاهی :- 8000م2 روبهری گشتی يی نهخوشخانی 45000م2
داگرتنا روبهری دانيشتوان :- 1000000
ژمارا ڤهرمانبهرا :- 742
ژمارا سهرهدانين روژانه :- 700
خزمهتين د هينه پيشکيشکرن :- خزمهتين چارهسهريی بو نهخوشی و ييت ڤيرکرنی بو قوتابين کوليژا پزيشکی و پهرستياری.
پهيوهندی کرن ب نهخوشخانی :- 4820851 ،4820253 ،7619501، 7221737،7224064،7224061.
نهخوشخانێ ئازادی یا فێركرنێ یا گشتی ل دهوكێ,نهخوشخانا ئێكانهیه ل پارێزگهها دهوكێ و ل سالا 1984ێ ژلایێ كومپانیا ماروبینی یا ژاپونی هاتیه ئاڤاكرن و ژ (6) قاتان پێك دهێت, ب بهرفرههیا (490) تهختان.
قاتێ ئێكێ: پیكهاتیه ژ یهكا ڤهژاندنا دلی(10)تهخت,یهكا چاڤدێریا چر یا پشتی نشتهرگهریان(4) تهخت,قاویشا نهخوشیێن دلی و (5) هولێن كریارێن نشتهرگهری.
قاتێ دوێ: پشكا نهخوشیێن ژنان پێكهاتیه ژ هولا زاروكبونێ و دو هولێن نشتهرگهریێ و یهكا ڤرنیكا.
قاتێ سیێ: نشتهرگهریا گشتی.
قاتێ چوارێ: نهخوشیێن هناڤان.
قاتێ پێنجێ: لایێ باشور قاویشێن میزهرۆ و لایێ باكوور(گوه و كهپ و گهوری)و قاویشا چاڤان.
قاتێ شهشێ: لایێ باشور یهكا سۆتنێ و لایێ باكور قاویشا نهخوشیێن ژنان. دگهل ڤێ چهندێ ل قاتێ ئهردی پشكا تیشكێ و تاقیگهه و یهكا چارهسهریا سروشتی و یهكا پزیشكیا تهنگاڤی و دو هولێن نشتهرگهری ژنان و كلینیكا شیرهتكاری یا نشتهرگهریێ و نوژداریا هناڤا و میزهرۆ و پزیشكیا دلی و گوه و كهپ و گهوری پزیشكیا چاڤا نهزوكی و كلینیكا نهخوشیێن پهنجهشێرێ ههنه. قاتێ ژێر ئهرد ههیه كو پێكهاتیه ژ یهكا ئوتیكرنێ و شووشتنێ و لێنانگهه و خوارنگههێ.
ل سالا 2008ێ چوار پشك ل نهخوشخانێ هاتن ڤهكرن:سهنتهرێ دهوك یێ دلی سهنتهرێ كۆئهندامێ ههرسێ و نهخوشیێن جهرگی و پشكا نهخوشیێن دهروونی دگهل داینگهههكێ بو نهخوشخانێ. ئاڤاهیێن گرێدای ب نهخوشخانێ ڤه پێكهاتینه ژ پشكا تیشكێ,قاویشا نهخوشیێن دهروونی,خانیێ نوژدارێن نیشتهجێ و كوگهها دهرمانا و پشكا سهخبێركرنێ. ههمی تایبهتمهندی ل نهخوشخانێ ههنه و هندهك ژوان هاتنه ڤهگوهاستن بو نهخوشخانا تهنگاڤیان وهكو شكهستن و نشتهرگهریا كۆما دهماران.د وارێ تایبهتمهندیا نشتهرگهریێ دا (23)نشتهرگهر ههنه پێكهاتینه ژ نشتهرگهریا گشتی و نشتهرگهریا میزهرۆ و دلی و سینگی و چاڤا و گوهی و كهپ و گهوریێ,دوارێ تایبهمهندیا هناڤان دا ژی 14 تایبهتمهند ههنه د پشكێن جودا جودا دا,پزیشكیا دلی,پزیشكیا نهخوشیێن مێشكی,پزیشكیا كۆئهندامێ دهماران,سهبارهت تایبهمهندیا ژنان و زاروك بوونێ (6) تایبهتمهند دگهل (2)پیشهكارێن گشتی ههنه . ل نهخوشخانا مه هندهك مایتێكرنێن سڤكێن نشتهرگهریێ ل پشكێن نشتهرگهریا گشتی یا نهخوشیێن ژنان و میزهرۆ دهێنه كرن,دگهل ئهنجامدانا نشتهرگهریێن پێشكهفتی د پزیشكیا میزهرۆ یێ دا,نشتهرگهریێن راستڤهكرنێ و نشتهرگهریێن دلی و سینگی و ل سالا دوماهیێ 3 حالهتێن گولچیسك چاندنێ هاتینه كرن. دڤان ههردوو سالێن بوری دا دان ب نهخوشخانێ هاتیه دان كو ببیته سهنتهرهك بو راهێنانا قوتابیێن بۆردا عیراقی یا نشتهرگهریا گشتی و نشتهرگهریا میزهرۆ و نوژداریا نهخوشیێن ژنان و هناڤا,ژمارهكا مهزن یا قوتابیێن خواندنا بلند ل نهخوشخانێ ههنه. دوهختێ نوكهدا و بهری دو سالان,كریارا بهردهوامی دان و پاقژراگرتنا نهخوشخانێ پتر هاتیه رێكخستن ئهوژی ب رێكا موركرنا ههڤبهستهكێ دگهل كومپانیهكا تایبهتمهند ئهوا بو نهخوشخانێ ئامیره و كهرستێن پاقژیێ یێن پێدڤی دابین دكهت. ههروهسا دئهڤ سالهدا ههڤبهستهك دگهل كومپانیهكێ هاتیه موركرن بو دابینكرنا دانێن خوارنێ بو نهخوش و كارمهندێن نوژداری و ساخلهمیێ د نهخوشخانێ دا. د (5) سالێن دوماهیێ دا و ژئهگهرێ تێكچوونا ئێمناهیا پارێزگهها (مویسل),ژمارا نهخوشێن قهستا نهخوشخانێ دكهن زێدهبویه و ئهم كاردكهین بو زێدهكرنا تایبهتمهندیێن پشكا ل نهخوشخانێ دگهل ئامیرێن پزیشكی یێن نوی و كارمهندێن ساخلهمیێ یێن مهشق دای.