ساخله‌میا دهۆكێ و ساخله‌میا جیهانی دێ نه‌خۆشیان ل كه‌مپا دومیز كونترۆل كه‌ن
هاتیه بلاڤکرن روژا دوو شه‌مبێ, 22 نيسان 2013 - 9:47am
بۆ كونترۆلكرنا نه‌خۆشیان ل كه‌مپا دومیز، رێڤه‌به‌ریا گشتی یا ساخله‌میا پارێزگه‌ها دهۆكێ ب هه‌ڤكاریا رێكخراوا ساخله‌میا جیهانی ووركشۆپه‌كا چوار رۆژی بۆ ژماره‌كا نوشدارێن (دهۆك، هه‌ولێر و سلێمانی) رێكخست.
د. جه‌گه‌ر عه‌بدوللا جاسم، ماموستایێ فاكولیتیا زانستێن پزیشكی دیاركر ئه‌و دێ كاركه‌ن بۆ كونترۆلكرنا حاله‌تێن ته‌نگاڤیان و دیسا هنده‌كێن نورمال و گه‌له‌ك ب مه‌ترسی ژی و گۆت: هنده‌ك حاله‌ت ل ڤێرێ په‌یدابووینه وه‌كو نه‌خۆشیا سۆركا كو هاتیه كونترۆلكرن، به‌لێ ره‌نگه هه‌كه نه‌خۆشی مه‌زنتر لێ هات بۆ نموونه هه‌كه بیڤه‌له‌رزه‌كێ روودا كو هه‌موو تشت هاتنه ژ ناڤبرن، ل وی ده‌می پێدڤیه ده‌وله‌ت پێرابوونا وه‌ربگریت و ل ڤێرێ ئه‌م دێ پشكداران فێری چاره‌سه‌ریا فاكته‌رێن مه‌ترسیدار كه‌ین و پلانه‌ك دێ هێته دانان كا دێ چ كه‌ن بۆ پاراستنا په‌نابه‌ران ل ده‌مێن ته‌نگاڤیان.
د. سیڤیل حه‌سنیوتا ژ نڤیسینگه‌ها رێكخراوا ساخله‌میا جیهانی پشكا نه‌خوشێن ڤه‌گر دیاركر كو خه‌لكێ سوریا كه‌له‌ك دره‌ڤن و به‌ره‌ڤ وه‌لاتێن ده‌وروبه‌ر دچن وه‌كو لوبنان، ئوردن و عێراق، هه‌روه‌كو ل عیراقێ كێمتره ژ وه‌لاتێن دی، لێ ئه‌ڤه‌ژی وه‌كو باره‌كی یه ل سه‌ر ساخله‌میا دهۆكێ و گوت: مه‌دڤێتن ئه‌م پشت راست بین هه‌كه هات و حاله‌ته‌كێ ته‌نگاڤیێ په‌یدا بوو ئه‌م بشێین ل وه‌خت چاره‌سه‌ریا وان بكه‌ین، دیسان وه‌كو ئه‌م دزانین كو ئه‌ڤه ل كه‌مپا ڤه دژین ژیارا وان گه‌له‌ك یا نه‌خوشه و جهێن وان یێ پیسه، دیسان ئاڤا ڤه‌خوارنا وان نه‌یا پاقژه و ب تایبه‌ت ئه‌ڤه هاڤین نێزیك بو ئه‌م دوێ باوه‌رێ داینه كو نه‌خوشیا زكچوونێ زێده‌بیتن، هه‌روه‌سان ئێشا سۆركان دناف وان به‌لاڤبوویه.
خویاكر كو ئه‌و كه‌سێن دڤێ ووركشوپێدا پشكداربوین هه‌موو ئه‌و نوشدارن ودیسان ئه‌ون ئه‌وێن بوراێ كونترۆلكرنا په‌ژیان دا كاردكه‌ن كو بزانن هه‌كه هات و حاله‌ت چێبوون دێ چاوا سه‌ره‌ده‌ریێ دگه‌ل كه‌ن.
ئه‌ڤ مالپه‌ره فرێکه
