سه‌نته‌ره‌كێ نوو بۆ نه‌خۆشێن تالاسیمیا دێ هێته ئاڤاكرن
هاتیه بلاڤکرن روژا ئێک شه‌مبێ, 11 گولان 2014 - 12:30am
مەتین جمیل
سه‌نته‌ره‌كێ نوو بۆ نه‌خۆشێن تالاسیمیا دێ هێته ئاڤاكرن
ب هه‌لكه‌فتا رۆژا جیهانى یا نه‌خۆشیا تالاسیمیا ل رۆژا 8/5 چه‌ند چالاكى هاتنه ئه‌نجامدان و رێڤه‌به‌رێ گشتیێ ساخله‌میا پارێزگه‌ها دهۆكێ دیاركر كو ژبه‌ر زێده‌بوونا ژمارا نه‌خۆشان و به‌رته‌نگیا سه‌نته‌رێ وان بڕیاره سه‌نته‌ره‌كێ نوو بۆ بهێته ئاڤاكرن.
د. نزار عصمت، رێڤه‌به‌رێ گشتیێ ساخله‌میا پارێزگه‌ها دهوكێ دیاركر كو ئه‌و چاره‌سه‌رێن ل ڤێره بۆ نه‌خوشێن تالاسیمیا دهێته‌كرن نه چاره‌سه‌رێن بنه‌ره‌تینه و گۆت: ل ڤێره ئه‌ڤ نه‌خوشیه ناهێته چاره‌كرن و بنبركرن دڤێت ب رێكا چاندنا مێشكێ مه‌ژى بیت، حوكمه‌تا هه‌رێما كوردستانێ چه‌ند پێنگاڤ بۆ ڤێ چه‌ندێ هاڤێتینه ژوانژى هنارتنا زاروكا بو ده‌رڤه‌ى وه‌لاتى بو چاندنا مه‌ژیێ هه‌یتى و پلانا دى بو دروستكرنا سه‌نته‌را ل هه‌رسێ پارێزگه‌ها دێ هێنه دروستكرن و ب دوماهى هاتنا ڤان سه‌نته‌را دێ كریارێن نشته‌رگه‌ریا چاندنا مه‌ژیێ هه‌ستى بو هێنه كرن.
د.نزار عصمه‌ت دیاركر ژى ئه‌و پشكنینێن ل پارێزگه‌ها دهوكێ دهێنه‌كرن ل پارێزگه‌هێن دى یێن هه‌رێمى نینن و گه‌له‌ك نه‌خوش ژ پارێزگه‌هێن دى قه‌ستا دهوكێ دكه‌ن و گۆت: ئاریشێن مه بنگه‌هێ وان یێ به‌رته‌نگه و كه‌ڤنه و بو چاره‌سه‌ریا ڤێ ئاریشێ پلان هاتیه په‌سه‌ندكرن بو ئاڤاكرنا سه‌نته‌ره‌كێ نوو بو نه‌خۆشێن ته‌لاسیمیا.
محیه‌ئه‌دین عه‌بدولا، سه‌رۆكێ لقێ دهۆك یێ كۆمه‌لا ته‌لاسیمیا دیاركر كو ل ده‌مێ دامه‌زراندنا كومه‌لا وان ل سالا 2006ێ ب تنێ 81 نه‌خۆش هه‌بووینه، به‌لێ نوكه ژمارا وان گه‌هشتیه 933 نه‌خۆشان و گۆت: كومه‌لا مه پێدڤى ب هاریكارى و پشته‌ڤانیا هه‌میا هه‌یه و گه‌له‌ك ئه‌ندامێن كومه‌لا مه خودان پارچێن ئه‌ردى و مۆچێ هه‌یڤانه نه و هه‌موو ده‌رمان د رێكا رێڤه‌به‌ریا گشتى ساخله‌میا دهوكێ دابینكرینه و داخوازێ ژ حوكمه‌تێ دكه‌ین ره‌وانه‌كرنا نه‌خوشا بو ده‌رڤه‌ى وه‌لاتى یا به‌رده‌وام بیت.
ئه‌ڤ مالپه‌ره فرێکه
